PASUCAIS REIVINDICATIVU ESCONTRA LOS EREs, LES PRIVATIZACIONES, LOS DESPIDOS, LOS PIESLLES D’EMPRESA Y LOS CASTIGOS POR LLUCHAR

ASAMBLEES DE TRABAYADORES EN LLUCHA N’ASTURIES

Nel mes d’agostu del añu pasáu, les Asamblees de Trabayadores en Llucha, tres dellos intentos de xunta col Presidente d’Asturies, recibíamos una carta del Conseyeru d’Empléu, Industria y Turismu, Francisco Blanco Ángel, na que se nos prometíen estremaes actuaciones nos díes vinientes.

Con éses, pasaos más de 6 meses, siguimos esperando.

Pa que nun se-yos escaeza y con nuevos conflictos que tán dexando a Asturies ensin trabayu, tornamos a la cai a recorda-y al Presidente Javier Fernández, que tamos equí, que nun queremos migayes sinón los nuesos puestos de trabayu, PORQUE TRABAYAR YE UN DERECHU

El pasucais va entamar a les 10:30 h. delantre l’E.R.A. na cai Arzobispu Guisasola (El Campillín), y va siguir pela ONCE-APTA C/ Campumanes, GERHOTEL LOS CARBAYOS Plaza Porlier, IMASA-MODULTEC C/ Palaciu Valdés, HOTEL DE LA RECONQUISTA, CAJASTUR-LIBERBANK Plaza La Escandalera, pa rematar a les 12:00 h. na Xunta Xeneral, onde vamos apurrir una tabla cola situación actual de les empreses (MATADERU CENTRAL D’ASTURIES, 55 DESPIDÍOS DE LA FÁBRICA D’ARMES DE TRUBIA, SEGUNDU TURNU DE LA LLAVANDERÍA CABUEÑES, INTÉRPRETES DE LLINGUA DE SIGNOS D’ASTURIES y XIXÓN FABRIL) al Presidente d’Asturies.