MOVILIZACIÓN INTERNACIONAL POLA LLIBERTÁ D’ALFON Y L’ABSOLUCIÓN DE TOLES PERSONES ENCAUSAES POLA SO PARTICIPACIÓN NA FUELGA XENERAL DEL 14P.

CONCENTRACIÓN

ENTAMA: ASTURIES EN PIE (Formen parte d’Asturies en Pie: CSI, CGT, CNT-Xixón, SUATEA, FUSOA, CENTRU SOCIAL AUTOXESTIONÁU LA SEMIENTE, PARA@S Y PRECARI@S D’ASTURIES, CENTRU SOCIAL SESTAFERIA, ASOCIACIÓN PICU RABICU, CENTRU SOCIAL LA LLUME, ESPACIU LA LLEGRA, DARRÉU, MIERES EN LLUCHA).

COMUNICÁU DE LA PLATAFORMA POLA LLIBERTÁ D’ALFON:

Por cuenta de los 6 meses trescurríos dende l’ingresu en prisión d’Alfon, el 17 Xunu de 2015, la Plataforma pola Llibertá d’Alfon queremos la so puesta en llibertá, la retirada’l réxime carcelario FIES 3 BA, denunciar los montaxes policiales y los xuicios políticos.

Alfonso Fernández Ortega, mozu activista vallecanu comprometíu coles lluches sociales y sindicales foi deteníu la mañana’l 14 Payares de 2012, xornada de Fuelga Xeneral Europea, escontra los retayos, escontra la Reforma Llaboral y escontra la privatización de la sanidá y la educación, cuando se dirixía a participar nel piquete vecinal del so barriu.

Alfon tuvo 56 díes en prisión preventiva en réxime FIES, ensin ser analizáu’l supuestu artefactu esplosivu. Por cuenta l’ausencia de prebes y gracies a la solidaridá obrera y la presión social qu’exercimos a nivel estatal ya internacional, el 9 xineru de 2013 salió del Centru Penitenciariu de Sotu del Real, en Madrid, en llibertá condicional a espera de xuiciu.

El 25 payares de 2014 tuvo llugar el Xuiciu escontra Alfonso Fernández na Audiencia Provincial de Madrid en siendo suspendíu’l 18 setiembre del mesmu añu por non presentase los policías citaos a declarar por tar de vacaciones.

Nel xuiciu nun pudo demostrase con prebes qu’Alfonso Fernández portara’l material pa fabricar esplosivos, nin siquieramente que’l material atopao pola policía fora’l mesmu qu’analizaron, una y bones la cadena de custodia rompióse siquier en dos causes, tampoco s’especificó a quien pertenecíen les buelgues dactilares atopaes na bolsa, que tresportaron los axentes nel so coche particular dexándola en comisaria ensin nengún protocolu de seguridá.

La única preba a la que los tribunales dieron veracidá foi al testimoniu de los axentes que lu detuvieron. Diéronse numberoses contradicciones ente los axentes demientres les sos declaraciones, como por cas’l llugar onde foi identificáu. Nun se tuvo en cuenta la declaración de dengún de los testigos d’Alfon, incluyía la de la moza detenida xunta él.

Rescampla qu’Alfon foi víctima d’un llaín montaxe policial y un xuiciu políticu. Tanto l’informe policial presentáu polos axentes el día del xuiciu, según les entrugues de la fiscalía centrar na actividá ideolóxica de Alfon, quedando demostráu nel xuiciu que’l mozu foi sometíu a siguimientu policial dende l’añu 2009 ensin nenguna orde xudicial.

En Xineru de 2015 recúrrese la sentencia de 4 años de prisión de l’Audiencia Provincial al Tribunal Supremu que, el 16 de Xunu, ratifícala y dicta orde de busca y prind’el 17 Xunu de 2015.

Alfon, arropáu y acompañáu por un Muriu Humanu Solidariu, formáu polos sos vecinos, vecines, compañeros y compañeres, entrégase na parroquia San Carlos de Borromeo y torna la so detención nun actu reivindicativu escontra una sentencia inxusta por un delitu que nun cometió y que nun se pudo prebar.

Dende la Plataforma pola Llibertá d’Alfon faemos un llamamientu a la Solidaridá, que va materializase nuna selmana de llucha dende’l 11 al 17 Avientu, con actos, concentraciones y manifestaciones a nivel estatal ya internacional.

¡ALFON LLIBERTÁ!. ¡LLIBERTÁ PA TOLES PERSONES PRESES POR LLUCHAR!. ¡STOP MONTAXES POLICIALES!. ¡STOP FIES!.