Ensin mordaces, gran conciertu antirrepresivu colos grupos Banda Bassotti, La Tarrancha, San Blas Posse y Misiva

ENTAMA: ASTURIES EN PIE, MIERES EN LLUCHA, DARRÉU.

Dende ASTURIES EN PIE, MIERES EN LLUCHA Y DARRÉU queremos convidavos a participar nel actu de la campaña antirrepresiva ENSIN MORDACES, que va cuntar con Banda Bassotti como puntu fuerte del mesmu y que va tener llugar en Mieres del Camín (Mieres, Asturies), el Viernes 30 ochobre.

L’oxetivu d’esta iniciativa nun ye otra que siguir atropando los fondos necesarios pa facer frente, de forma organizada y coleutiva, a los estremaos procesos represivos que sufre la clas obrera asturiana: les peticiones de cárcel por participar nun piquete informativu na fuelga’l 14 payares o la conderga a un total de doce años y mediu de prisión pa los cinco de Zarréu, son dalgunos d’ellos, pero nin muncho menos los únicos nin casos aisllaos. Les peticiones de cárcel n’Asturies sumen decenes d’años, les multes por lluches medren y la nueva Llei Mordaza supón un pasu más nesa escalada represiva.

Esti conciertu ye una iniciativa más nesa necesaria autoorganización popular escontra la represión, tando confirmáu, xunta La Tarrancha, Misiva y San Blas Posse, un grupu de talla internacional como Banda Bassotti. Los italianos, sobradamente conocíos na música combativa y comprometía, testeren el cartelu d’esta iniciativa, cuyos beneficios van dir empobinaos al pagu de multes, gastos xudiciales, etc, derivaos de les lluches n’Asturies.

PUNTOS DE VENTA ANTICIPADA (10€)

Caudal – Dudi’s y L’abellugu
Nalón – La Semiente, Chigre Ochobre y Matteria
Uviéu – Llar La Llegra, Pub La Luna y L’Esperteyu
Xixón – LLocal de la CSI y Sidrería Canteli
Avilés – LLocal CSI y El Cafetón
L’Infiestu – La Traviesa
Tinéu – Bar El Tiro

VA HABER FASTERA D’ACAMPADA LLIBRE

https://www.facebook.com/events/765544733572480/?ref=22&feed_story_type=22&action_history=null