Na rueda de prensa d’Asturies en pie sobre la Xornada antirrepresiva Ensin Mordaces del 30 d’ochobre en Mieres

-19:00 h. PASUCAIS ESCONTRA LA LLEI MORDAZA Y LES REFORMES DEL CÓDIGU PENAL. ILESIA SAN XUAN. MIERES. ASTURIES.

-20:15 h. INTERVENCIONES D’ASTURIES EN PIE, ELENA ORTEGA (madre d’Alfon) Y LOLA ONIEVA (de Madres Escontra la Represión.

21:00 h. ENSIN MORDACES. CONCIERTU ANTIRREPRESIVU COLOS GRUPOS BANDA BASSOTTI, LA TARRANCHA, SAN BLAS POSSE Y MISIVA. COLEXU PÚBLICU LICEO-ANICETO SELA. MIERES. ASTURIES.

ENTAMA: ASTURIES EN PIE, MIERES EN LLUCHA, DARRÉU.

COMUNICÁU D’ASTURIES EN PIE
Como ye sabíu, el viniente miércoles 1 de xunetu, van entrar en vigor la Llei Mordaza y la Reforma’l Códigu Penal.

Con la nueva llexislación, la Llei Mordaza y les Reformes del Códigu Penal, enánchense descomanadamente los supuestos delictivos, endurécense les penes y amenórguense les garantíes procesales. D’esta forma, nun se busca castigar los delitos que se cometan, sinón la mesma protesta, por pacífica ya inofensiva que sía.

Asina, tórnense en faltes o delitos les ocupaciones simbóliques de bancos y edificios, la oposición a los desahucios, l’ayuda a persones migrantes, la realización o’l simple espardimientu, al traviés de les redes sociales, de movilizaciones non comunicaes, anque nun tengan repercusiones nel orde públicu.

De la mesma forma, tórnense en delitu d’atentáu a l’autoridá la simple desobediencia o la resistencia pasiva. Los desordes públicos amplíense a l’actuación individual y penalízase’l simple enguizamientu, magar que nun tenga consecuencies.

A última hora, dambes normes dibuxen un panorama xurídicu que desanicia, na práutica, la mayoría de los nuesos derechos y llibertaes públiques.

Y ello, hasta tal puntu que la ONU yá realizó declaraciones nes que s’apura al Estáu español a retirar la Llei Mordaza porque amenacia con violar los derechos y llibertaes fundamentales de les persones y fraya la mesma esencia del derechu de manifestación”.

Coles mesmes, el Conseyu d’Europa tamién solicitó la so retirada por “atentar escontra’l derechu de xunta y de manifestación y frayar los derechos fundamentales”.

Pela so parte, estremaes asociaciones de la xudicatura, la fiscalía y l’abogacía yá s’amosaron a la escontra de la so entrada en vigor.

Igualmente, tolos grupos parlamentarios, sacante CiU y PNV, roblaron un recursu d’inconstitucionalidá escontra la Llei Mordaza, que foi almitíu a trámite pol Tribunal Constitucional.

Por too ello, dende Asturies en Pie vamos desixir a les nueves mayoríes polítiques que salgan de les urnes el viniente 20 d’avientu, la derogación de la Llei Mordaza y de les Reformes del Códigu Penal que, na práutica, desanicien los nuesos derechos y llibertaes públiques.
Equí, Asturies en Pie plantegó mociones n’abondos conceyos asturianos, pa que los plenos de los conceyos sopelexen la so oposición a esta llexislación represiva. Estes mociones yá fueron aprobaes nos conceyos d’Avilés, Uviéu, Mieres, Bimenes, Casu y Sobrescobiu.

Porque estes nueves lleis nun van aumentar la seguridá ciudadana. La inseguridá nun la crean les movilizaciones y protestes populares. La inseguridá créala’l paru, los despidos, los desahucios, la probitú o’l tener qu’acudir a los comedores infantiles por nun poder alimentar afechiscamente a los tos fíos y fíes. La inseguridá créala la muerte de persones a les que se-yos niega la medicación y los cuidos sanitarios que precisen pa sobrevivir.

La inseguridá créanla les pensiones de miseria que faen que morramos de fríu por nun poder pagar la calefaición. La inseguridá créanla les inxusticies sociales, el saquéu de les arques públiques, la corrupción de quien gobiernen, les estafes de la banca y los abusos empresariales. La inseguridá créenla la impunidá de los poderosos y les condergues a prisión de quien solo lluchen polos sos derechos más básicos.

Por eso, Asturies en Pie ta cola Declaración Universal de los Derechos Humanos, cuando diz: “Si los derechos humanos nun son protexíos por un réxime de Derechos, los homes y muyeres tán na obligación de recurrir al supremu recursu de la rebelión contra la tiranía y la opresión”.
Por eso, Asturies en Pie está con la Declaración Universal de los Derechos Humanos, cuando dice: “Si los derechos humanos no son protegidos por un régimen de Derechos, los hombres y mujeres están en la obligación de recurrir al supremo recurso de la rebelión contra la tiranía y la opresión”.