La Fuelga convocada pola CSI na RTPA empieza con un bon siguimientu per parte de la plantiya

La fuelga convocada pola Corriente Sindical d’Izquierda na RTPA entamó con un bon siguimientu per parte los y les trabayadores.

Amás de los servicios mínimos, foi bien amenorgáu’l númberu trabayadores qu’allegaron esta mañana al so puestu trabayu.

Dende la CSI queremos denunciar que la Direición de la RTPA ta imponiendo unos servicios mínimos abusivos ya incumpliendo la llexislación sobre contratación nel seutor públicu, al fraccionar y asignar a deu a empreses subcontrataes, los contratos de retresmisión de los Premios Princesa, que van ser retresmitíos por empreses y personal subcontratáu, ayenu a la plantía de la RTPA ya, inclusive, utilizando material espresamente trayíu dende Madrid.

La CSI fae una valoración perpositiva de la fuelga va siguir con esta xornada de llucha demientres tola mañana, siguiéndola esta tarde demientres la movilización escontra la privatización de Caxastur, coincidente cola entrega de los Premios Princesa.