Asturies en pie fae un llamamientu a la participación na movilización escontra la privatización de Caxastur, coincidente colos premios princesa

Asturies EN Pie fai un llamamientu al Pueblu Asturianu a participar na movilización convocada pola Seición Sindical de la CSI en Caxastur y les Asamblees de Trabayadores en Llucha n’Asturies, escontra la privatización de Caxastur, que coincide cola entrega los “Premios Princesa de Asturias”.

Dende Asturies en Pie afalamos a toles organizaciones, movimientos y coleutivos asturianos a faer visibles toles reivindicaciones populares, obreres y sociales, poles qu’el nuesu Pueblu engarra día tres día.

Una convocatoria popular. Ensin protagonismos y ensin que naide pretenda apropiase d’ella, pero onde toes y toos vamos reivindicar, na cai, tolos derechos que nos roben nos despachos.

(Formen parte de ¡Asturies en Pie!: CSI, CGT, CNT-Xixón, SUATEA, FUSOA, CENTRU SOCIAL AUTOXESTIONÁU LA SEMIENTE, PARA@S Y PRECARI@S D’ASTURIES, CENTRU SOCIAL SESTAFERIA, ASOCIACIÓN PICU RABICU, CENTRU SOCIAL LA LLUME, ESPACIU LA LLEGRA, DARRÉU, MIERES EN LLUCHA).