Llamamientu de la CSI a participar na manifestación del 7N en Madrí Contra las violencias machistas, #Niunamenos

Dende la Corriente sindical d’izquierda llamamos a la participación na primer manifestación estatal “Contra les violencies machista” que va tener llugar en Madrid el 7 de noviembre, manifestación convocada por diverses organizaciones y agrupaciones feministes pa esixir que la llucha contra les violencies machistes sía una “#CuestiondeEstado”. Esi día, toles voces de los distintos territorios tenemos que ser una contra’l machismu y tola so violencia.
Esti añu ta siendo bien negru, en septiembre son más de sesenta y cinco víctimes (muyeres, neños-ye y dellos homes) por un terrorismu machista que lloñe de perder fuerza repica con una espiral de violencia ante la que la sociedá polo xeneral ya instituciones y partíos políticos en particular callen y miren pa otru llau.
La CSI, siguiendo cola campaña, que tamos faciendo en Asturies, “Acabemos cola violencia machista” cola que cada vez qu’hai un asesinatu machista soltamos una alerta y salimos a la cai, llamamos a nun mirar pa otru llau, a poner nel calendariu políticu la Violencia contra la muyer como unu de les temes principales. Llamamos a visibilizar y denunciar lo que ta asocediendo porque nel edificiu, na ciudá, nel pueblu, nel país onde vivimos decenes de muyeres son asesinaes cada añu y miles de muyeres son agredies, violaes, maltrataes, prostituyíes, trataes,…tolos díes. Y non sólo elles, los sos hijxs, familiares, amigxs,…son tamién víctimes d’esa violencia.
Nun vamos poder falar d’una sociedá más xusta ya igualitaria nin vamos poder construyir un mundu meyor, ensin terminar cola violencia contra la muyer. Por eso la llucha contra les desigualdaes y contra’l machismu ye una llucha más de tola clase obrera xuntu col restu de lluches pol derechu al trabayu, a la educación, a la sanidá, polos derechos llingüísticos y de los pueblos, contra les mordazas, contra la represión, el fascismu, racismu, la lgtbfobia, el terrorismu capitalista (eufemísticamente llamáu accidentes llaborales), contra l’imperialismu, la OTAN,… La llucha de unx tien de ser la llucha de todxs o nun vamos poder camudar nada.
El 7 N la CSI, como sindicatu de clase anticapitalista y antipatriarcal, va participar na manifestación y va percorrer les cais de Madrid al gritu de ¡Nin UNA MENOS! ¡ACABEMOS COLA VIOLENCIA MACHISTA!

Manifestación: (en breve pondremos información sobre autobuses de la CSI pa baxar):

-Fecha: sábadu 7 de payares
-Salida: 12:00 h: Ministerio de sanidá, servicios sociales ya igualdá, nel Paseo del Prado.
-Percorríu: del Paseo del Prado a la Plaza de España.