Concentración d’apoyu nel xuiciu a los compañeros imputaos del 14 N

El viniente llunes, 28 setiembre, van ser xulgaos 6 trabayadores pola so participación nos piquetes informativos de la fuelga xeneral del 14P, con un pidimientu conxuntu de 12 años de prisión.

El so delitu nun foi otru que participar nuna xornada de fuelga convocada pa defender los derechos más básicos: trabayu, alimentos, vivienda, sanidá, educación, servicios sociales… A lo cabero, lo mínimo necesario pa llevar una vida digna.

Nun son los únicos. Nel conxuntu l’’Estáu español, son centenares los y les trabayadores condergaes o encarcelaes por participar nes estremaes convocatories de fuelga realizaes demientres estos años. Y equí, n’Asturies, tamos falando de decenes y decenes de persones encausaes, que podríen atropar un pidimientu fiscal de más de 300 años de prisión, que ponen en xuegu non solamente los derechos básicos que se defenden, sinón el mesmu derechu a la protesta, el derechu a la fuelga y el derechu a participar en piquetes informativos.

Aquel 14P, un nuevu montaxe policial acabó con 4 persones deteníes y otres dos imputaes pola so participación na fuelga xeneral. Estes detenciones provocaron que miles de trabayadores arrodiaren la comisaría de Xixón demientres delles hores, hasta la so puesta en llibertá. Agora tenemos un nuevu oxetivu: espardder la marrazaa pa torgar qu’entren en prisión.

Y, pa ello, precisamos la movilización de toes y toos. Porque la nuesa capacidá de llucha y de resistencia depende de la solidaridá y el sofitu mutuu. Si les persones que lluchen y dan la cara nun tienen el sofitu de toes y tolos demás, la llucha faise insostenible, porque nun va quedar naide y la represión venceríanos.

Desiximos l’absolución de los 6 trabayadores procesaos, pero nin pidimos nin vamos pidir perdón por caltener el nuesu compromisu cola xusticia social y los derechos de la clas obrera.

Aquella fuelga xeneral del 14P foi convocada por CCOO y UXT, pero les direiciones d’estos dos sindicatos paecen habese escaecío d’ello y de los trabayadores que, agora, por participar na fuelga qu’esos sindicatos convocaren, enfréntense a penes de prisión. Pero, a estes altures, poco podemos esperar de quien, fai yá tiempu, camudaron la llucha sindical poles subvenciones, l’asamblea pol teléfonu móvil y la barricada pol despachu.

Sicasí, dende Asturies en Pie creemos que los partíos políticos que defenden los derechos de la clas obrera y les llibertaes públiques, nun pueden mirar hacia otru llau nin tratar el procesamientu d’estos 6 trabayadores, como una tema menor. En cualisquier momentu, podemos atopanos con que, amás de los 6 trabayadores del 14P, los 5 mineros de Zarréu y los 5 siderúrxicos d’Arcelor pueden entrar en prisión. Son demasiaos trabayadores encarcelaos pa mirar hacia otru llau.

Hasta ahora solo hemos visto palabras de ánimo y gestos simbólicos, que se agradecen y son bien recibidos. Pero esto no es suficiente.

Es cierto que nuestra fuerza está en la movilización y la solidaridad popular, pero los partidos políticos de izquierda tienen que ponerse las pilas, tienen que dar un contundente puñetazo en la mesa de los ayuntamientos y del Parlamento Asturiano y poner en marcha , inmediatamente, una acción política con una consigna clara y sencilla: que ni un solo trabajador o trabajadora pueda entrar en prisión por defender sus derechos. Ni un solo trabajador; ni una sola trabajadora en la cárcel.

Hasta agora solo vimos pallabres d’ánimu y xestos simbólicos, que s’agradecen y son bien recibíos. Pero esto nun ye abondo.

Ye cierto que la nuesa fuerza ta na movilización y la solidaridá popular, pero los partíos políticos d’izquierda tienen que ponese les piles, tienen que dar un contundente puñetazu na mesa de los conceyos y del Parllamentu Asturianu y poner en marcha, darréu, una aición política con una conseña nidia y cenciella: que nin un solu trabayador o trabayadora pueda entrar en prisión por defender los sos derechos. Nin un solu trabayador; nin una sola trabayadora na cárcel.

Pela nuesa parte, somos conscientes de que la represión puede, inclusive, llevanos a la cárcel, pero’l nuesu compromisu colos derechos populares y la xusticia social va siguir firme magar les consecuencies. Nin van frenar la nuesa llucha nin van torgar qu’otres persones s’amesten a ella, porque l’aición antirrepresiva nun ye’l nuesu oxetivu cimeru, sinón una parte más de la nuesa llucha escontra un sistema opresor y criminal.

Mándennos al paru y a la miseria demientres unos pocos amasen fortunes y poder a cuenta la miseria de munchos, y el dineru que precisamos pa sobrevivir, sémese peles alcantarielles de la corrupción y les estafes de la banca y la patronal. Y nun se trata solamente de qu’unos cuantos políticos, banqueros y empresarios tean partiéndose beneficios illícitos debidamente ensobrados. Ye’l mesmu sistema capitalista lo que ta corrompío hasta la cañadas y namá acabando col capitalismu vamos poder atopar soluciones a los problemes que tenemos.

Y nesta marraza de la clase obrera escontra’l capitalismu, a quienes distis la cara nel 14P, a quien lluchastis pol derechu a salir con vida del trabayu na mina Zarréu, a quienes vos piden cárcel pola vuesa solidaridá col Pueblu Palestín, a quien vos enfrentais a cara perru cola especulación urbanística o los desahucios y, a lo cabero, a quienes en tou momentu dais la cara, gracies por traenos hasta equí, gracies por construyir una sociedá na que mereza la pena vivir y gracies por demosar que’Asturies sigue siendo una tierra lluchadora y solidaria.

Por too ello, el viniente llunes 28 setiembre, dende les 9 la mañana, vamos tar nel xuiciu que se cellebra escontra los nuesos compañeros pa demosar la nuesa solidaridá y dexar bien nidio que nunca vamos dexar que naide s’enfrente solo a la represión.

https://www.facebook.com/events/1655395991408168/?ref=22&feed_story_type=22&action_history=null

Ayer los sacamos de comisaria, güei nun vamos dexar qu’entrar na cárcel.

¡SI NOS TOQUEN A UNA, TÓQUENNOS A TOES!
¡14 N ABSOLUCIÓN!