III Alcuentros alternativos y populares de Bimenes

Los prósimos díis 4, 5 y 6 de setiembre tendrán llugar los III Alcuentros alternativos y populares de Bimenes, col llema “La represión nun parará la llucha popular”. Dende Asturies en pie queremos invitavos a que participéis a tolos coleutivos y persones coles que compartimos la llucha díi ente díi, y a aquellxs otrxs qu’aún nun conocemos, pareciéndomos que ye una mui bona ocasión pa facelo.

Los Alcuentros alternativos y populares de Bimenes ñacen fae dos años col envís de los sindicatos y coleutivos alternativos que formamos Asturies en pie, de facer unes xornaes nun sólo reivindicatives y solidaries sinon tamién folixeres. Unes xornaes onde la xente que peleamos xunta tol añu y xente qu’entovía nun mos conocemos pudieremos compartir l’espacíu, les esperiencies, les preocupaciones,…nun ambiente relaxáu y llúdicu.

La totalidá del dineru recaudau destinase a sofitar a toles persones multaes, deteníes o encausaes por participar nes lluches obreres y sociales que tán teniendo llugar n’Asturies, y pa la solidaridá coles persones represaliaes en cualesquier otra parte. Multes, peticiones de cárcel,…ye lo cotidiano. Pero nin con eses van facer que dexemos de lluchar pa construyir una sociedá xusta. Y pa ello la solidaridá ye perimportante, y la caxa resistencia ún de los sos pegoyos.

La esperiencia de los dos años anteriores foi per bona, y dende equí dar les gracies a tola xente que lo fizo posible. Tola xente que participastéis, vos divertistéis y ficistéis que la solidaridá y el compañerismu nun fueren solo pallabres.

Esti añu repetimos y ampliamos actividaes. Con esi enfotu de compartir y conocemos toos/es, invitamosvos a participar nos III Alcuentros. Podéis pasar el díi en comuña, y tolos coleutivos que queráis poner la vuestra mesa con materiales, traer la vuesa pancarta,…

Nun queremos un díi d’Asturies que nun represente lo que de verdá ta pasando y ye Asturies, y por eso vos invitamos a participar y formar parte de los III Alcuentros alternativos y populares de Bimenes, los díis 4, 5 y 6 de setiembre. Porque ente toes/os facemos camín.

(En breve mandamosvos el cartelu definitivu)

Participa y difunde.

PROGRAMA DE LOS III ALCUENTROS ALTERNATIVOS Y POPULARES DE BIMENES (cualesquier cambiu que faigamos vos lu comunicamos):

Va haber fastera d’acampada. Y también hai cases rurales pa alquilar.
Toles actividaes son nel polideportivu de Martimporra, sacante les especificaes. Toles actividaes son de baldre, sacante’l conciertu del sábadu.

DENDE’L LLUNES 31 D’AGOSTU: esposición fotográfica “Ike, una llucha de muyeres…25 años dempués”.

VIENRES 4 SETIEMBRE. 19:00 h. La Casa les Radios. Suares (Bimenes). Alcuentru de Radios Llibres. Con Radiu Kras, Radio QK, Radio Nava…

SÁBADU 5 SETIEMBRE

  • 11:00. Entamu (Conceyu de Bimenes). Marcha al Pozu Funeres. Homenaxe a los y les lluchadores antifranquistes.
  • De 11:00 a 15:00. Mercáu Yerbatu. C/ La Pamplina. Santuyanu / San Julián. Organización llocal.
  • 15:30. Abrimos el chigre.
  • 16:30. Xuegos tradicionales col coleutivu Garrapiellu. Música y bailles del país col grupo Los Yerbatos. SegundoTorneo ¡Asturies en Pie! de tiru con gomeru. Mercáu de los Colectivos Sociales.
  • 18:30. Taller de Mallabares
  • 19:30. Espectáculu Circense.
  • 20:15. Actu reivindicativu pola absolución de toles persones encausaes pola so participación nes lluches obreres y populares.
  • 21:00. Conciertu colos grupos: La Monkey Toen, La Tarrancha, Skontra, Nueve con Diez (collaboración d’Arma X) y Nochnepiche Esbilla

DOMINGO 7 DE SETIEMBRE.

  • De 11:00 a 15:00. Mercáu Yerbatu. C/ La Pamplina en Santuyanu / San Julián. Organización llocal.
  • 12:30. Pasacais pel pueblu y culete vermutero o vermú post-folixeru.

ENTRAES (de magar el 18 d’agostu): 5€ anticipada / 7€ nel día.

Entraes anticipaes en BIMENES Chigre Vigil y Chigre de La Campa S. Juan. XIXÓN Sidrería Canteli, Café Trisquel, Centru Social Sestaferia, llocal de la CSI. UVIÉU Llocal de la CSI. AVILÉS El Cafetón, llocal de la CSI. L’ENTREGU Chigre Ochobre, Centru Social La Semiente. MIERES El Ñeru, llocal de la CSI. LA POLA SIERO Chigre El Diañu.