Asturies de pies va participar na concentración “Los sindicatos nun tienen de roblar despidos”, esixendo l’Absolución de los procesaos na Fuelga xeneral del 14 P

ENTAMA: ASAMBLEES DE TRABAYADORES EN LLUCHA N’ASTURIES

Asturies en Pie va desixir l’absolución de los procesaos na fuelga xeneral del 14P, na concentración entamada poles Asamblees de Trabayadores en Llucha n’Asturies que, sol lema “Los sindicatos nun tienen de roblar despidos”, va tener llugar n’Avilés el viniente martes 1 de setiembre, a les 15:15 h., frente al Palaciu de Camposagrado d’Avilés, onde va inaugurase la Escuela de Branu d’UXT y a la que, ente otros, van allegar el Presidente’l Gobiernu Asturianu y los Secretarios Xenerales de la UXT n’Asturies y nel Estáu español.

Asturies en Pie quier denunciar, d’esta forma, l’actitú de la UXT, que convocó la fuelga xeneral del 14P y, agora, desentiéndese y mira hacia otru llau dmientres 6 trabayadores enfréntense a un pidimientu conxuntu de 12 años de prisión, pola so participación en dicha fuelga xeneral.

Apocayá, la Delegación de Gobiernu, abellugándose nun informe de la Policía Municipal d’Avilés y nel silenciu cómpliz del Gobiernu Municipal avilesín del PSOE, prohibió una concentración na que pretendía reivindicase l’absolución de los procesaos na fuelga xeneral del 14P.

Nesi sen, dende Asturies en Pie queremos recorda-y a la UXT que los responsables sindicales tienen la obligación de defender los derechos fundamentales de xunta y manifestación de los y les trabayadores, saliendo al pasu de cualisquier intentu d’acabamientu de dichos derechos; muncho más si, como asocede cola UXT, caltiense una importante presencia na Direición del PSOE avilesín y asturianu.

P’Asturies en Pie resulta intolerable qu’un sindicatu, como la UXT, roble los despidos de los y les trabayadores, intente llavase la cara convocando fuelgues y movilizaciones y, nel cuelmu la desfachatez, abandone a la so suerte a los y les trabayadores que podríen ingresar en prisión por participar en diches fuelgues y movilizaciones.

https://www.facebook.com/events/859773887433700/?ref=3&ref_newsfeed_story_type=regular&feed_story_type=17&action_history=null