Rueda de prensa de lxs 42 trabayadores despedidxs de MODULTEC (Grupu IMASA)

CSI-MODULTEC

¡NIN DESPIDOS, NIN PIESLLES!

¡VAMOS ACUDIR PA SOFITAR A LOS Y LES TRABAYADORES DESPIDÍES!

Hai delles selmanes asoleyaben esti comunicáu:

La UXT robló l’Espediente de Regulación d’Empléu (ERE), presentáu pola empresa Modultec, perteneciente al Grupu Imasa, que supón la estinción de contratu, esto ye, el despidu de 42 trabayadores.

Les compañeres de CSI-Modultec presentaron midíes alternatives a esti ERE, que nun fueron teníes en cuenta en dengún momentu.

Coles mesmes, dende CSI-Modultec presentóse un contrainforme a dichu ERE, denunciando pergraves irregularidaes detectaes nel procesu, como por casu, el fechu de que sían, mayoritariamente, los trabayadores afiliaosy allegaos a la UXT quien caltengan el so trabayu, demientres se despide a los y les trabayadores que más llabor sindical realizaben en favor de los derechos llaborales de la plantía.

Sicasí, nin l’autoridá xudicial nin la Dirección Xeneral de Trabayu fixeron casu dalgún a esti contrainforme.