Concentración en solidaridá colos presos políticos en Colombia

El 25 d’agostu cumplir 2 años de prisión a Huber Ballesteros, y sigue ensin xuiciu..

¡¡ LLIBERTÁ PA HUBER BALLESTEROS GÓMEZ
Y PA LOS/LES 13 JOVENES PRESOS/ES VA UN MES EN COLOMBIA. ¡¡

Va dos años -el 25 d’agostu- y metanes un paru nacional foi prindáu’l compañeru HUBER BALLESTEROS GOMEZ, dirixente llabrador y del movimientu social y político Marcha Patriótica. Acusau de rebelión y terrorismu, mesmos cargos que tienen tres les rexes a otros 136 líderes llabradores de FENSUAGRO-CUT.

Huber lleva dos años tres les rexes y nun lo xulgaron. La XI Delegación Asturiana de Verificación del Estáu de los Derechos Humanos en Colombia pudo visitalo en marzu na cárcel nacional La Picota, constatando la afectación de la so salú, el dañu al so llabor como dirixente sindical llabrador y la falta de material probatorio que xustifique’l so presidiu, polo qu’esiximos al gobiernu de Colombia la so inmediata lliberación.

Amás, once nuevos activistes del Congresu de los Pueblos fueron prindaos va mes y mediu en Bogotá, acusaos ensin pruebes de terrorismu, forma de cobra-yos el so llabor como defensores de los derechos de les muyeres, miembros del movimientu estudiantil, líderes agrarios y periodistes alternativos.

A pesar de la enorme represión oficial qu’inclúi l’usu perversu de la xusticia y a pesar del terror paramilitar desamarráu, el brengosu movimientu social colombianu sigue n’ascensu y precisa de Huber, de los once nuevos inxustamente prindaos y de profesores como Miguel Ángel Beltrán nuevamente deteníu.

¡¡ Cerca de 10 mil ente prisioneros de guerra y presos de conciencia en Colombia reclamen LLIBERTÁ¡¡

Sumámonos a eses voces convocando a una concentración solidaria frente a la estatua de Pelayo en Xixón, el MARTES 25 d’agostu, a les 18 hores.

Conviden : Colectivu de Colombianes-abelugar n’Asturies “Luciano Romero Molina”, Soldepaz Pachakuti, Pueblu y Dignidá.