AeP caltien la convocatoria pa la concentración pola Absolución de los procesaos na Fuelga xeneral el 14N, a pesar del Conceyu d’Avilés que vuelve pidir a la delegación de gobiernu que torgue la segunda convocatoria

EL CONCEYU D’AVILÉS, AL TRAVIÉS D’UN NUEVU INFORME DE LA POLICÍA MUNICIPAL, TORNA PIDIR A LA DELEGACIÓN DE GOBIERNU QUE TORGUE LA SEGUNDA CONVOCATORIA D’ASTURIES EN PIE POLA ABSOLUCIÓN DE LOS PROCESAOS NA FUELGA XENERAL DEL 14N

Per segunda vegada, un nuevu informe de la Policía Municipal d’Avilés, torna encamentar a la Delegación de Gobiernu que torgue la concentración pola absolución de los procesaos na fuelga xeneral del 14P, entamada por Asturies en Pie pal viniente 27 d’agostu, esta vegada na cai La Cámara.

Enantes, entá a la escontra la decisión del Delegáu de Gobiernu y de los informes de la Policía Llocal avilesina, pero con un ánimu de collaboración, Asturies en Pie camudó’l llugar de la convocatoria de la plaza’l Conceyu d’Avilés a la cai La Cámara,

Agora, el nuevu informe de la Policía Llocal propón aplazar esta convocatoria a feches posteriores o cellebrala n’otru llugar de la ciudá.

Como argumentos a la escontra la cellebración d’esta concentración, la Policía Municipal namáa altrica la cellebración d’actos festivos nel arrodiu la concentración convocada.

Pero, p’Asturies en Pie, la Policía Llocal nun argumenta nin una sola causa que xustifique, por razones de seguranza ciudadana, l’aplazamientu o desllocalización de la convocatoria.

A la espera la decisión que pueda tomar la Delegación de Gobiernu énte esti informe, Asturies en Pie quier anunciar la so intención de caltener la so convocatoria y recurrir énte’l Tribunal Superior de Xusticia d’Asturies, la posible illegalización d’esta concentración pública.

CONCENTRACIÓN, XUEVES 27 D’AGOSTU A LES 19:30 H. NA CAI LA CÁMARA – AVILÉS