Charra informativa pola absolución de los procesador pola fuelga xeneral del 14 N

ASTURIES EN PIE: ¡14N ABSOLUCIÓN!

Charra a cargu de dellos de los imputaos, y enmarcada na campaña que tá llevando alantre Asturies en Pie sobre esti casu.

El 28 setiembre de 2015, van ser xulgaos 6 trabayadores pola so participación nos piquetes informativos de la fuelga xeneral del 14-P, con un pidimientu conxuntu de más de 12 años de prisión. A dos trabayadores pídese-yos 1 añu y mediu de prisión pa caún y a otros cuatro, 2 años y mediu, tamién pa caún.

Cuatro d’ellos son militantes de la Corriente Sindical d’Izquierda y otru del FUSOA (Frente xUnitariu de Solidaridá Obrera d’Asturies). Asina mesmo, tres de los trabayadores son de Xixón y otros tres d’Avilés.

Demientres la fuelga xeneral del 14 payares de 2012, la UIP (los antidisturbios) cargaba ensin denguna xustificación sobre un piquete informativu de la CSI y la CXT ya invadíen la Casa Sindical de Xixón, de forma illegal dafechu, dexando a delles persones mancaes, que tuvieron de ser atendíes por xunidaes móviles del SAMU.

Cuatro persones fueron deteníes y otres dos, imputaes. El so delitu nun foi otru que participar nuna fuelga xeneral, entamada pa defender los derechos más básicos: trabayu, alimentos, vivienda, sanidá, educación, servicios sociales… A la fin, lo mínimo necesario pa llevar una vida digna.

Estes detenciones prevocaron que miles de trabayadores arrodiaren la comisaría de Xixón demientres delles hores, hasta la so puesta en llibertá.

De resultes de too ello, agora, seis persones enfréntense a xuicios con pidimientos fiscales que, en xunto, superen los 12 años de prisión. Sicasí, nin una sola de les denuncies interpuestes poles persones afrellaes pola policía, foi siquier almitía a trámite, magar que los partes médicos destacaben la gravedá de les mancadures que, en dalgún casu, precisaron d’intervención quirúrxica.

¡14 N ABSOLUCIÓN!
¡SI TÓQUENNOS A UNA, NOS TÓQUENNOS A TOES!

(Forman parte de ¡Asturies en Pie!: CSI, CGT, CNT-Xixón, SUATEA, FUSOA, CENTRO SOCIAL AUTOGESTIONADO LA SEMIENTE, PARAD@S Y PRECARI@S DE ASTURIES, CENTRO SOCIAL SESTAFERIA, ASOCIACIÓN PICU RABICU, CENTRO SOCIAL LA LLUME, ESPACIO LA LLEGRA, DARRÉU, MIERES EN LLUCHA).