Les asamblees de trabajadorxs en llucha, llamen a la participación na manifestación contra la Llei mordaza y la reforma del códigu penal

Les Asamblees de Trabayadores en Llucha n’Asturies sofiten les movilizaciones escontra la Llei Mordaza y la reforma’l Códigu Penal convocaes por Asturies en Pie y diverses organizaciones sindicales y coleutivos sociales pal martes día 30 xunu, víspora de la entrada en vigor de diches reformes llexislatives que pretenden criminalizar la protesta social y llaboral.

El miércoles viniente, 1 de xunetu, van entrar en vigor la Llei Mordaza y la reforma’l Códigu Penal, cambeos llexislativos qu’endurecen, entá más, les sanciones económicu y penal empobinaes a reprimir les movilizaciones y les protestes sociales y llaborales escontra les polítiques de retayos, privatizaciones, despidos y corrupción del Gobiernu’l PP.

Estes lleis son parte’l paquete de midíes que nun figuraben en dengún programa eleutoral y que’l gobiernu hambreador, corruptu y represivu de Mariano Raxoy ta promulgando pa cumplir colos sos compromisos cola gran patronal, la banca y los especuladores internacionales. La so entrada en vigor anuncia una nueva fola midíes escontra los y les trabayadores, ente elles una nueva vuelta tuerca a la xenocida Reforma Llaboral que torgue que los y les y trabayadores puedan recurrir a los tribunales pa enfrentar los EREs fraudulentos que se promulgaron al amparu de dicha Reforma.

Como trabayadores afectaes y afectaos por esta lexislación corrupta que promulgó’l Gobiernu Raxoy, les Asamblees de Trabayadores en Llucha camentamos imprescindible la engarradiella escontra esti nuevu intentu de criminalizar la protesta obrera y la movilización popular y faemos un llamamientu al pueblu asturianu a participar na xornada de llucha escontra la Llei Mordaza y la reforma’l Códigu Penal convocada por Asturies en Pie y dellos coleutivos sindicales y sociales pal martes 30 xunu, víspora de la so entrada en vigor y especialmente a la manifestación que va tener llugar el mesmu martes a les 19:30 h., saliendo dende la plaza L’Humedal en Xixón.