Concentración de sofitu al compañero encausáu por participar nes movilizaciones contra la especulación en Llugones

La Corriente Sindical d’Izquierda y Asturies en Pie convoquen una concentración de sofitu a Aitor, que va tener que declarar nos xulgaos de La Pola Siero, encausáu pola so participación nes movilizaciones realizaes escontra la especulación urbanística y la instalación de la Zona Azul en Llugones.

Recordar qu’a esti compañeru fueron a busca-y a casa, y foi lleváu a comisaria esposáu, esperando asusta-y y desmoviliza-y. L’allerta nun se fixo esperar y delles compañeres y compañeros personamos na comisaria de la Pola Siero hasta que lu soltaron. D’esto fai yá más d’un añu, y lloñe de desmovilizalu nun hai movilización, nin causa xusta, nin persona que lo necesite que nun cuente col so compromisu, la so responsabilidá y la so solidaridá.

Nin entós, nin agora vas a tar solu ante la represión.
Si tóquennos a una, tóquennos a toes.

Nin entós, nin agora va tar solu ante la represión. Si tóquennos a una, tóquennos a toes.

La concentración va tener llugar a les puertes de los Xulgaos de La Pola Siero, a les 09:45 h., del viniente xueves 18 xunu.

¡BASTA D’ESPECULACIÓN!. ¡ARCHIVU DE DILIXENCIES YÁ!