Concentración de sofitu al trabayaor acusáu de calumnies pola empresa electricidá Llames

ASAMBLEA DE SUBCONTRATAS DE EDP

Nel marcu les movilizaciones de l’Asamblea Trabayadores de Subcontrates d’EDP y tres una xornada denuncia de los despidos y de les precaries condiciones de trabayu, ún de los voceros de l’asamblea, Abelardo, responsable de la seición sindical de la CSI na empresa San Vicente, ye entrevistáu pelos medios de comunicación, denunciando la situación llaboral esistente ente otres, na compañía eléctrica Llames.

Dempués d’esta entrevista, que paez qu’a los dueños de la empresa Llames nun-yos gustó munchu, esta empresa interpunxo una querella criminal por llevantos escontra’l nuesu compañeru.

Los y les trabayadores son denunciaos polos patronos por llevantos, cuando somos nós quien, de cutiu, sufrimos los abusos empresariales.

Nun podemos permitir esti atropellu y, por ello, faemos un llamamientu a participar na concentración que va llevase a cabu’l viniente miércoles 10 de Xunu, de magar les 09:30 h., nos xulgaos de Xixón (al pie de la estación de tren), coincidiendo col actu conciliación.

¡DENUNCIAR LA ESPLOTACIÓN LLABORAL NUN YE UN DELITU, YE UNA OBLIGACIÓN!