El Comité de solidaridá colos 5 mineros de Zarréu y Asturies de pies van tar na manifestación de Cangas pa esixir l’absolución de los 5 de Zarréu y los 2 de L.laciana

PONDREMOS AUTOBUSES (nos díes vinientes asoleyaremos los horarios y llugares de salida).

La manifestación ta convocada por CCOO y UXT, escontra’l pieslle de les mines de carbón.

Dende’l Comité de Solidaridá colos 5 mineros de Zarréu y dende Asturies en Pie, camentamos que cualisquier movilización minera tien de recoyer, primero que cualesquier otra reivindicación, la desixencia d’absolución y llibertá pa toles y tolos trabayadores multaos, imputaos o condergaos por participar nes lluches polos derechos de los y les trabayadores de la minería.

Por esa razón, convidámosvos a toes y toos a allegar a la manifestación de Cangas del Narcea (xueves 21 de mayu, 19:00 h.) y a xunivos al Bloque pola absolución de los 5 mineros de Zarréu y los 2 de L.laciana y de toles persones represaliaes pola so participación nes lluches obreres y sociales que tienen llugar n’Asturies.

¡ABSOLUCIÓN PA LOS 5 MINEROS DE ZARRÉU Y LOS 2 DE L.LACIANA!. ¡ABSOLUCIÓN PA TOLES PERSONES REPRESALIAES POR LLUCHAR POLOS SOS DERECHOS!.