Llamamientu de la CSI a participar na manifestación pola oficialidá del asturianu

LA CSI COLA OFICIALIDÁ DEL ASTURIANU

ENTAMA: XUNTA POLA DEFENSA DE LA LLINGUA ASTURIANA.

La Corriente Sindical d’Izquierda (CSI) fae un llamamientu públicu al conxuntu’l Pueblu Asturianu, a la participación na manifestación pola oficialidá del asturianu, entamada pola Xunta Pola Defensa de la Llingua Asturiana, el viniente 8 mayu y que va salir a les 19:30 h. de la estación de Renfe d’Uviéu.

Pa la CSI, la oficialidá del asturianu ye un pasu imprescindible pa poner fin a les discriminaciones carecíes poles y polos asturfalantes y algamar la igualdá de derechos de tolos asturianos y asturianes, dixebradamente del idioma que remanen.

Asina mesmo, dende la CSI desiximos la creación darréu de la especialidá docente de Llingua Asturiana, como un pasu alantre nos derechos llaborales de los y les enseñantes d’Asturianu y na estabilidá de los sos puestos de trabayu.