Campaña pola Absolución de los 5 mineros de Zarréu_Manifestación

MANIFESTACIÓN. VIENRES 10 D’ABRIL. 19:30 h. ESTACIÓN DE RENFE D’UVIÉU.

Demientres la pasada fuelga de la minería, el 12 xunetu de 2012, tuvo llugar un accidente llaboral na Mina Zarréu, nel que se vieron afectaos trés trabayadores.

Cientos de persones, compañeros de trabayu y vecinos y vecines de la fastera, allegaron al llugar de los fechos, interesándose pol estáu de salú de los trabayadores accidentaos y siendo testigos d’una actuación irregular ya inresponsable del capataz de la empresa, al marxe los servicios mélicos, que faía correr un riesgu innecesario a los trés trabayadores accidentaos.

Los compañeros de trabayu y los vecinos de l’arrodiada qu’allegaron al llugar del accidente, trataron d’evitar un mal mayor, poniendo a los trés trabayadores accidentaos en manes de los servicios mélicos.

Nun mundu llaboral onde la falta midíes de seguranza prevoca muertes y pergraves accidentes, paez ser qu’incumplir toa norma prevención y seguridá llaboral, despreciando la vida de los y les trabayadores, nun tien castigu dengún.

Sicasí, socorrer a los trabayadores accidentaos y ponelos en manes de los servicios médicos, castígase cola cárcel.

Quieren zarrar na cárcel a quien socorrieron a los trabayadores accidentaos ya indemnizar a quien punxo en pelligru la vida de dichos trabayadores.

Por too ello, pa la CSI y p’Asturies en Pie, los 5 mineros de Zarréu son inocentes y la so actuación demientres l’accidente llaboral del 12 de xunetu de 2102, tuvo empobinada a socorrer afechiscamente a los trabayadores accidentaos.

Por esa razón, vamos entamar una campaña pola absolución de los 5 mineros de Zarréu:

-Creación del Comité de Sofitu a los 5 mineros de Zarréu: formáu por asociaciones y persones de la Cuenca’l Narcea.

-Charres informatives per tol territoriu asturianu: les primeres van ser el 5, 12 y 17 marzu en La Felguera, Grao y Avilés, respeutivamente.

-Presentación de mociones nos conceyos asturianos, fundamentalmente nos conceyos de les cuenques mineres, pa sacar alantre pronunciamientos institucionales pola absolución de los 5 mineros de Zarréu.

-Convocatoria de MANIFESTACIÓN, el vienres 10 d’abril, a les 19:30 h., que va salir de la Estación de Renfe d’Uviéu.

ORGANIZACIONES Y COLEUTIVOS QUE SOFITEN LA CAMPAÑA POLA ABSOLUCIÓN DE LOS 5 MINEROS DE ZARRÉU

ASTURIES: Corriente Sindical d’Izquierda, Comité de Sofitu a los 5 Mineros de Zarréu, Asturies en Pie, CGT, CNT-Xixón, SUATEA, FUSOA, Centru Social La Semiente, Para@s y Precari@s d’Asturies, Centru Social Sestaferia, Asociación Picu rabicu, Centru Social La Llume, Llar La Llegra, Darréu, Mieres en Llucha.

ARAGÓN: CGT, CUT, STEA-I, CATA, I.A., Red Solidaria de Aragón, Purna, Asociación de Vecinos Venecia, Asociación de Vecinos el Cantero.

EUSKAL HERRÍA: LAB, ESK, Ernai,

VALLADOLID: Centro Social La Ardilla Roja.

MADRID: La Coordinadora Sindical de Clase (CSC), Comisiones de Base (CoBas), Solidaridad Obrera, Alternativa Sindical de Trabajadores (AST), Madres Contra la Represión, Plataforma de Apoyo a Alfon.

CANARIAS: Intersindical Canaria (IC), Frente Sindical Obrero Canario (FSOC), Inekaren, Azarug,

GALICIA: Central Unitaria de Traballadores (CUT), BRIGA, ISCA,

CATALUNYA: Intersindical Alternativa de Catalunya (IAC),

PAISÖS CATALANS: Coordinadora Obrera Sindical (COS), ARRAN,

PAIS VALENCIÀ: Intersindical Valenciana (IV).

ILLES BALEARS: STEI-Intersindical.

ANDALUCÍA: Jaleo,

CASTILLA: Yesca, Solidarios de la Sanidad,

FRANCIA: Unión Sindical Solidaridad.

COLOMBIA: Central Unitaria de Trabajadores (CUT).

INGLATERRA: Unite the Resistance

FEDERACIÓN SINDICAL MUNDIAL (FSM): unvía un comunicáu de solidaridá y desixe la absolución darréu de los 5 mineros de Zarréu.