La CSI ufierta’l so sofitu y la so solidaridá al pueblu venezolanu, al traviés del embaxador de Venezuela, Mario Isea

La Corriente Sindical d’Izquierda tresmitió al embaxador de Venezuela, Mario Isea, la so solidaridá y sofitu al Pueblu Venezolanu y el so procesu d’avance nes conquistes populares, sociales y obreres que tán en marcha nel so país.

Dende la CSI informóse al embaxador de la participación del nuesu sindicatu nel Grupu Bolivarianu de’Asturies y de la nuesa participación na campaña pola derogación del Decretu-Obama contra Venezuela, lo mesmo que de la realidá sindical, política, social y llaboral d’Asturies y l’aición sindical de la CSI énte dicha realidá.

Dedicóse un espaciu importante a informar al embaxador venezolanu sobre la situación de represión esistente n’Asturies y nel Estáu español, bien especialmente, no que se refier a la conderga a prisión de los 5 mineros de Zarréu.

De siguío, Mario Isea desplicó la situación pola que ta travesando Venezuela y los esfuerzos del Gobiernu Venezolanu p’afondar nel so procesu hacia’l socialismu y la so marraza a la escontra la derecha golpista’l so país.

D’esta manera, demientres esta xunta caltenida’l pasáu martes 7 d’abril, punxéronse les bases pa la cooperación y l’intercambiu n’estayes como les rellaciones sindicales, la llexislación llaboral, el cooperativismu, la collaboración de calter profesional ente otres materies.