Comunicáu del sindicatu SINPROSEG, integráu na central unitaria de trabajadores de Colombia (CUT)

Nel comunicáu denúnciense nueves amenaces de muerte, per parte del grupu paramilitar Águikas Negres, escontra dirixentes políticos y sindicalistes de la esquierda colombiana, dalgunos de los cualos, como Rafael Cabarcas o Andrés Bohórquez, tuvieron abelugaos en Asturies, acoyíos al Programa Asturianu d’Atención de Víctimes de la Violencia en Colombia, dempués de sufrir un atentáu nel que recibieron dellos impactos de bala y que tuvo apunto de quitar la vida.

COMUNICÁU A LA OPINION PÚBLICA Mientres

El gobiernu colombianu, encabezáu pol presidente JUAN MANUEL SANTOS, se jacta calificando la prosperidá pa toos nuna escelente xestión dientro de los parámetros de la equidad, igualdá ya inclusión y comprometíu col derechu a la vida, na pura realidá demuestra tou lo contrario.

Ta demostrandolo con desmontar de los esquemes de seguridá de la Unidá Nacional de Protección de dirixentes sindicales, líderes políticos d’oposición, defensores de derechos humanos reclamantes de tierra, periodistes como ye’l casu del nuesu compañeru RAFAEL CABARCAS CABARCAS, miembru del Polu Democráticu Alternativu, Asesor de la Unión Sindical Obrera (USU) Cartaxena, Dirixente Social y Políticu de Congresu de los Pueblos Región Caribe, que depués de recibir un atentáu nel que les manos criminales de la derecha radical tuvieron a puntu de quitar la vida al pie del so escolta ANDRES BOHORQUEZ DE LA ROSA y na que se vieron na necesidá de salir del país poles fuertes amenaces y atentáu de lo que fueron oxetu.

Dempués de tar abelugaos un bon tiempu, retornen nuevamente y empiecen a exercer los sos llabores sindicales en pro de la clase obrera y les comunidaes, recibiendo nuevamente amenaces contra la so vida.

Pero, a pesar del Nivel de Riesgu del compañeru RAFAEL CABARCAS CABARCAS, la Unidá Nacional de Protección toma la decisión irresponsablemente de desmonta-y l’esquema de seguridá (escolta, protección a la familia, etc), dexándo-y con un grau de vulnerabilidá que pon en gran riesgu la vida del compañeru CABARCAS y la del so escolta LUIS MANUEL CABALLERU ANGULO, que, automáticamente, entra a formar parte de la llista de paraos de Colombia al quedar ensin trabayu, dexando a la so familia ensin nenguna fonte d’ingresu.

Con esta decisión la Unidá Nacional de Protección, en xunto col Gobiernu Nacional, nun viola solamente’l derechu a salvaguardar la vida del compañeru, sinón que viola derechos internacionales emanados cola Comisión Interamericana de Derechos Humanos.

Por tal razón el Sindicatu Nacional de Profesionales de la Seguridá (SINPROSEG) refuga esta acción y responsabiliza al Gobiernu Nacional, con JUAN MANUEL SANTOS a la cabeza, y a la UNIDÁ NACIONAL DE PROTECCION, de lo que pueda pasalu a la integridá física del compañeru RAFAEL CABARCAS y del so escolta LUIS CABALLERU, por una decisión arbitraria ya irresponsable.

XUNTA SUBDIRECTIVA SINPROSEG CARTAXENA (Na fotografía:

Andrés Bohórquez, Rafael Cabarcas y Javier Orozco).