Llamamientu de la CSI a participar na movilización contra la inxerencia y l’intervención en Venezuela

La Corriente Sindical d’Izquierda fae un llamamientu al Pueblu asturianu a participar nes movilizaciones escontra la inxerencia imperialista en Venezuela y a solidarizase col Pueblu venezolanu y la so llucha pol avance del socialismu y de les conquistes obreres nesi país.

CONCENTRACIÓN. SÁBADU 14 MARZU. 12:30 h. PLAZA’L PARCHÍS. XIXÓN. ASTURIES.

CONVOCA: GRUPU BOLIVARIANO D’ASTURIES.

COMUNICÁU DEL GRUPU BOLIVARIANO D’ASTURIES:

Obama cometió l’agresión más grave escontra Venezuela en tola so hestoria

Les caberes amenaces del gobiernu d’EEXX a Venezuela son d’una gravedá inusitada: el presidente norteamericanu Barak Obama declaró al so país “n’emerxencia nacional” ¡por Venezuela!, país al que considera “una amenaza inusual y estraordinaria”, magar qu’en tola so hestoria enxamás afrelló a nación dalguna nel mundu.

Ensin dulda, esti ye un pasu más nel trabayu previu a un ataque militar o paramilitar. Ye’l procedimientu remanáu en tolos conflictos armaos promovidos por EEXX na cabera dómina -Siria, Llibia-, coles mires d’apoderase del control territorial, esto ye, de los recursos de los países que pretende dominar.

Too esto ye posible de magar el control ideolóxicu de la población d’otros países. L’aparatu mediáticu corporativu tien la función específica d’instalar falses matrices d’opinión sobre lo qu’asocede nesti casu en Venezuela, qu’inclusive munches vegaes son asumíes y repitíes irresponsablemente por integrantes del campu popular, que dialoguen nel marcu de la ideoloxía dominante.

“Pocos gobiernos del mundu aguantaríen les arremetedures de los postreros 16 años, arremetedura mediática mundial, arremetedura mediática nacional”, declaró anueche’l presidente Maduro na so alocución.

L’amenaza escontra Venezuela ye una amenaza direuta escontra América Llatina y el Caribe. Ye una nueva amenaza escontra les democracies y los pueblos del mundu. Nun puede pasar desapercibida o indiferente.

Camentamos que la situación desixe la solidaridá inmediata. Convocamos a toes y a toos a espresar el so refugu énte esta agresión, por aciu declaraciones y aiciones direutes. Nestos momentos ye fundamental que les persones del pueblu asumamos viviegamente la marraza d’idees, pa dicir “nun los creemos” y defender la democracia en Venezuela. Vacilar ye perdenos.

EEXX ta en guerra contra’l mundu. La derecha internacional sofita la ofensiva imperial.

¡GRINGO GO HOME!. ¡NON A LA INXERENCIA!