Xornada abierta: Muyeres y conflictos llaborales. Mitos, realidá y visibilización

Con esta xornada queremos poner nuestru granu d’arena pa romper colos mitos qu’hai sobre la participación de les muyeres nes lluches, llaborales nesti casu pero serviríamos pa toes. Y cuntar la realidá de lo que ye’l díi ente díi de les muyeres que nun se rinden, que nun se resignen, que nun venden a la compañera nin al compañeru, y que lluchen. Porqu’anque la mayoría de les veces nun se ven, nun salen tanto nos medios de comunicación o nun se les oye tanto nes asamblees, ehí tan y son un exemplu pa toes y pa toos. Anque sobre tou pa toes ya que les muyeres tamos más faltes de referencies dempués de tantos sieglos d’invisibilización.

Tamién queremos faer un pequenu homenaxe a toles compañeres que llucharon primero, poles qu’agora tenemos derechos. Ye un luxu que dalgunes participen nesta charra. Muyeres que nos enseñaron a nun tener mieu, o a que’l mieu nun nos torgara la llucha. Muyeres nes que nos afitamos cuando empezamos y que siguen ende, como siempres, al llau de toos y de toes, pelenado pa siguir reivindicando los derechos y pa nun perder los que yá tenemos.

Tamién a les compañeres que nun lleven tantu tiempu na llucha, pero tamién tan ehí. Coles que compartimos tolos díes y toles pelees.

Asina qu’el sábadu díi 7 de marzu, un díi enantes del Díi internacional de la muyer, vos esperamos nel Centru Social La Llume, pa conocemos, compartir, debatir, visibilizar,…Porqu’ente toes y toos tenemos de dir construyendo la sociedá que queremos.

La xinta ye de traxi, cada persona que lleve dalgo y compartimos ente toes y toos.

Comparti, distribuyi, participa

Vos esperamos.

LA LLUCHA YE L’ÚNICU CAMÍN

Comparti, distribuyi, participa