Llamamientu de la CSI a sofitar la campaña Llibertá pa los 5 de Zarréu

Esta mañana preséntose na Escuela de Mines d’Uviéu la campaña Llibertá pa los 5 de Zarréu. Los compañeros tuvieron arropaos poles compañeres y compañeros de la CSI, d’Asturies en pie, de Mieres en llucha,…Nun vamos dexalos sólos, son los nuesos compañeros.

Porque la llucha ye l’únicu camín y la solidaridá’l pegoyu más importante facemos un llamamientu a tola CSI, y demás organizaciones d’izquierda, p’ayudar na difusión d’esta campaña. Los medios de comunicación y delegación de gobiernu quieren callamos, invisibilizanos, pero lo tienen difícil si ente toes y toos nos apoyamos y facemos que glayen les muries, que glayen les cais, que se vaya sabiendo de boca a oreya qu’eso de la xusticia y la llibertá ye sólo pa ricos, pa la clase obrera son palos y cárcel, por si hai daquien que nun lo tea claro o que nun lo sepa.

Por eso nel to centru de trabayu, nel to centru d’estudios, nel chigre onde pares, na cai onde pases, a la xente cola que fales,…Pon un cartelu, pon pegadielles, dexa panfletos, cuenta-yos que ta pasando y comparte los materiales.

Ente toes y toos garremos lo que nun mos quieren dar XUSTICIA Y LLIBERTÁ.

P’ayudar pue pasar polos llocales de la CSI a polos materiales.