RTPA: Non tou ye cuestión de presupuestu

El presupuestu ye fundamental en cualquier proyectu, na RTPA tamién. Pero de nada sirven los recursos económicos ensin acomuñar a una xestión. Y de nada sirve pidir dineru ensin valorar la xestión d’esi dineru en función de les necesidaes y los oxetivos, más teniendo en cuenta que falamos d’un serviciu públicu de comunicación, financiáu colos recursos económicos colectivos.

Güei fíxose pública una reclamación de la AEPA xuntu colos sindicatos UXT, USU y CCOO basada principalmente nel aumentu presupuestariu de la RTPA. En relación con esta noticia, como sindicatu representativu na RTPA, fuimos convidaos pola AEPA a participar na firma d’esti documentu. Invitación que refugamos y rellacionada cola cual queremos faer les siguientes considerancies:

Dende’l sindicatu CSI y especialmente al traviés de la so sección sindical na RTPA vinimos trabayando en defensa de la radiotelevisión pública y los derechos de los as trabayadores/as dende 2009 al traviés de los mecanismos que tuvimos al nuesu algame: representación nel comité d’empresa, denuncia pública per mediu d’escritos y notes de prensa, movilizaciones de diversu calter, participación directa o sofitu n’ensame de procesos xudiciales y una querella contra dos directivos que s’atopa almitida a trámite como denuncia d’una xestión que consideramos fradulenta y pola que nun se fixo responsable a nengún directivu nin cargu políticu, siendo les pequeñes productores honestes y el trabayadores, tantu de productores como de plantiya de RTPA, los que paguemos el coríu al traviés de retayos, precariedá llaboral, judicialización de les relaciones llaborales y despidos.

Nesta engarradiella fiximos especial fincapié na defensa de los derechos de los trabayadores/as, contra los retayos, contra los despidos y la precariedá llaboral… pero tamién-y dimos muncha importancia a la defensa del serviciu públicu qu’emprestamos manifestándonos contrarios al usu de los recursos públicos pa beneficiu d’intereses partidistes o empresarios ensin escupulicios.

Siguir lleendo: http://csi.rtpa.as/spip/spip.php?article123