Manifestación de les Asamblees de trabayaores en llucha n’Asturies: Con llucha sí hai solución

La plantía del Hotel León acabar de tornase nún de los caberos exemplos de que la llucha ye la única vía cola que llantar cara y combatir a quien dende los poderes económicos y políticos condérguennos al paru y la precariedá.

Como nel casu de Tenneco o Sedes, los y les trabayadores del Hotel León decidieron nun resignase, negáronse a agachar la tiesta y apostaron por caltener el pulsu y engarrar pol so trabayu, los sos derechos y la so dignidá. Tres casi un añu d’enzarru, de movilizaciones y tamién de lluchar contra la congoxa y la incertidume sobre’l so futuru, llegóse a una solución que-yos permitió algamar lo que yera’l so gran oxetivu: siguir trabayando.

El so exemplu, y el de los y les trabayadores de decenes d’empreses asturianes arrexuntaos nes Asamblees de Trabayadores en Llucha n’Asturies, son la preba de que con esta llucha hai solución, de que LA LLUCHA YE L’ÚNICU CAMÍN.

Por eso, la llucha sigue y nun puede detenese énte quien nun dulden n’utilizar tolos resortes ya influencies al so algame pa siguir enllenando les sos cuentes bancaries a cuenta los y les trabayadores cola escusa la cris.

¡CON LLUCHA SÍ HAI SOLUCIÓN!

¡PUXA LA LLUCHA DE LA CLAS OBRERA!