Pola realmisión de los trabayadores despedíos na Voz d’Avilés-El Comercio

REPARTU PANFLETOS INFORMATIVOS.
(Afalámosvos a participar esi día y amosar el vuesu sofitu a los trabayadores despidíos).

La Voz d’Avilés-El Comerciu despidió a dos trabayadores. Pa ello, la empresa argumenta una mala situación económica ya impón midíes drástiques, a base despidos y brutales retayos salariales.

La negativa la plantía a aceutar estes condiciones, provocó una fuelga de tres díes en La Voz d’Avilés, secundada por tolos y toles trabayadores, que recibieron el sofitu xeneralizáu del pueblu avilesín, d’asociaciones de periodistes, de la totalidá de los alcaldes y alcaldeses de la Comarca y de tolos Grupos Parllamentarios de la Xunta Xeneral.

La Voz d’Avilés-El Comerciu miente cuando fala de perdes económiques. La pretensión de la empresa nun ye otra que sustituyir los puestos de trabayu d’anguañu por trabayadores becarios o en situación precaria dafechu (autopagándose la Seguridá Social y, n’ocasiones, ensin siquier tener contratu trabayu).

Qué casualidá que dambos trabayadores despidíos fueren parte la delegación qu’axustaba cola empresa. Qué casualidá que dambos trabayadores opunxérense, en tou intre, a aceutar denguna triba despidu o retayu salarial en La Voz d’Avilés-El Comerciu. Qué casualidá qu’ún de los trabayadores despidíos presentárase a les elecciones sindicales cellebraes apocayá en La Voz d’Avilés.

Demasiaes casualidaes. Por ello, pidimos al Pueblu d’Avilés el sofitu a los trabayadores despidíos y anunciamos l’entamu de les movilizaciones y les aiciones xudiciales necesaries pa frenar estos despidos y recuperar los puestos de trabayu.

¡EN LA VOZ D’AVILÉS-EL COMERCIU, DESPIDÍOS REALMISIÓN!