Autobuses pa la manifestación “Absolución pa los deteníos nel Pozu Santiago”

AUTOBÚS 1:
Salida d’Avilés: 11:30 h. Parque’l Muelle.
Salida d’Uviéu: 12:00. Llocal de la CSI. C/ Hermanos Pidal 14.

AUTOBÚS 2:
Salida de Xixón: 11:30 h. La Gota Llechi (pza. de L’Humedal).
Salida de La Felguera: 12:00 h. Estación d’autobuses.

Apuntase llamando al teléfonu 985354263 o nos llocales de les organizaciones y coleutivos de ¡Asturies de pies!.
El preciu’l billete, día y vuelta, ye de 4 €. Pagaráse nel autobús. Les persones ensin ingresos o con graves torgues económiques nun van pagar billete, pero tienen d’apuntase igualmente.

MANIFESTACIÓN: DOMINGU 8 FEBRERU. 12:30 h. PARQUE XOVELLANOS. MIERES. ASTURIES.

XUICIU: LLUNES 9 FEBRERU. 11:00 h. XULGAOS DE LOS PENAL D’UVIÉU. ASTURIES.

ENTAMA: ¡ASTURIES EN PIE!, MIERES EN LLUCHA.

El pasáu 6 de xunetu de 2012, demientres la fuelga la minería, delles persones, ente les que s’atopaba Eduardo (Montu), militante de la Corriente Sindical d’Izquierda, fueron deteníes y acusaes de participar nuna de les movilizaciones mineres, nel arrodiu’l Pozu Santiago.
Aquel día, Montu empobinábase al so trabayu, cuando una barricada, próxima al Pozu Santiago, cortaba’l pasu, aniciando un descomanáu atascu tráficu.
Nuna aición indiscriminada, la Guardia Civil realizó, de forma arbitraria, numberoses detenciones ente les munches persones que s’atopaben nes cercaníes, esperando a que se reabriera la carretera.
Una d’eses persones yera Montu, que, dempués de pasar 56 hores deteníu, foi puestu en llibertá gracies a la presión popular y, agora, enfréntase a una acusación fiscal de tres años de prisión y al pagu d’una suma de dineru, entá ensin cuantificar, en conceutu de multes ya indemnizaciones.
Demientres desmantelen les cuenques mineres y tórnenles nun desiertu llaboral, demientres nos conderguen al paru, la emigración y la miseria, demientres la impunidá protexe a quien robaron a mamplén los fondos mineros, vemos como baleren les cárceles de corruptos y, agora, pretenden enllenales con trabayadores y vecinos a los que se detién y acusa indiscriminada y arbitrariamente.
¡Nun podemos permitilo!. Hai munchos despachos onde’l Delegáu del Gobiernu, la Policía y la Xusticia tendríen d’entrar pa identificar y detener a los verdaderos criminales. Dende ¡Asturies en Pie! y Mieres en Llucha, nun tenemos torga en da-yos nomes y direiciones.

¡NIN UNA PERSONA SOLA ÉNTE LA REPRESIÓN!

¡XUSTICIA SOCIAL!.