Comunicáu de la CSI sobre’l Mataderu Central d’Asturies

(Dexámosvos tamién, a la fin, un comunicáu de el trabayadores y trabayadores del Mataderu Central)

Ante les declaraciones de la Dirección del Mataderu Central de Asturies, culpando a la Corriente Sindical d’Esquierda (CSI), al Comité d’Empresa y a los mesmos trabayadores y trabayadores, de la quiebra y el zarru del Mataderu Central, la CSI quier manifestar lo siguiente:

Nun foi la CSI, sinón la Dirección de la empresa, quien, cola so pésima xestión, llevó al zarru al Mataderu Central.

Nun foi la CSI, sinón la Dirección de la empresa, quien provocó los impagos que llevaron al Mataderu a la quiebra, mientres engordaben les sos cuentes corrientes personales.

Nun foi la CSI, sinón la Dirección de la empresa, quien atropó les deldes, mintiendo alrodiu de la esistencia de los avales bancarios del Gobiernu asturianu.

Nun ye la CSI, sinón la Dirección de la empresa, quien sigue debiendo delles nómines a el trabayadores y trabayadores.

Nun foi la CSI, sinón la Dirección de la empresa, quien presentó una llista de despidos, col enfotu de subcontratar la producción.

Nun foi la CSI, sinón la Dirección de la empresa, quien refugó les baxes voluntaries esixíes nel Plan de Viabilidá de la empresa, más comenenciuda en desfacer de el trabayadores y trabayadores cafiantes y conflictives, que de reflotar el mataderu.

La CSI nun acepta’l continuu chantaxe de la patronal, que culpabiliza a los y les trabayadores y trabayadores de los zarros d’empresa, por negase a aceptar despidos y retayos salariales demenciales en cuenta de “planes de viabilidá”, que solo suponen miseria pa el trabayadores y trabayadores y ensundiosos beneficios pa los empresarios.

Quien, pola so avaricia, llevaron a la ruina al Mataderu Central, agora acusen a la CSI de ser la responsable. Les mesmes mentires tuvimos que soportar n’otres ocasiones: Naval-Xixón, Duru-Felguera, Sanvicente, Valoriza, ERA, Tenneco, Hotel León, piscines municipales d’Avilés, Caxastur, etc. Pero’l nuesu sindicatu nun va camudar la so forma de faer sindicalismu: la CSI nun acepta subvenciones, nun dexa lliberaos y nun tien intereses económicos en nenguna empresa. La CSI ye un sindicatu que nun tien otros intereses que caltener los puestos de trabayu y defender los derechos de la clase obrera.

Sicasí, d’una cosa sí ye y va ser culpable la CSI: enxamás vamos abandonar a la so suerte a el trabayadores y trabayadores del Mataderu Central y a les sos families. El nuesu compromisu colos compañeros y compañeres va siguir firme hasta consiguir la reapertura de la empresa y la recuperación de los puestos de trabayu.

COMUNICÁU DE EL TRABAYADORES Y TRABAYADORES DEL MATADERU CENTRAL DE ASTURIES

Güei, dempués de meses, inclusive años de silenciu, apaez un comunicáu de la Dirección del Mataderu, que, seguro, nin se molestó en redactar y encargó a dalgún de los bufetes d’abogaos que siguen teniendo en nómina, onde, nun intentu de llavadura de cara d’última hora, culpa del zarru al Comité y a ls Trabajadors, daqué que nos suena porque, apocayá, dalgún conceyal d’idees allegaes a ellos foi allanando el camín opinando lo mesmo.

Cuando daquién abasna a una empresa como esta y, posiblemente, a sabiendes, yá que fai más d’un añu encargó un informe sobre les responsabilidaes personales de llegar a Concursu, que, de casualidá, producióse pocos meses dempués, presenta añu tres d’añu númberos coloraos pa la Empresa, quiciabes non pa los sos bolsos, y dexa de pagar a personal, provisores, empreses qu’empresten servicios, Facienda y Seguridá Social, nun creo que tea legitimado pa culpar del zarru a naide y tendría de faé-ylo mirar (ANA PRESA RIO, nesti casu).

En nengún momentu, a pesar de pidilo insistentemente, acreditaron esi financiamientu bancariu nin esi posible inversor, amás del desmentíu pol Conseyeru Graciano Torre alrodiu de que tuvieren, tal que dicíen, los avales bancarios del Gobiernu del Principáu.

Tou esto yera clave, dada’l nulu enfotu que teníamos en quien nos mintió reiteradamente, débenos delles mensualidaes y llevó el Mataderu a la ruina, porque, lamentablemente, los bienes y les acciones heriédense, pero la capacidá de xestión non.

N’otros puntos habíamos alcanzáu alcuerdos, anque agora digan que nun los aceptamos, pero qué más da una mentira más. Tocantes a Dirección de Trabayu, llamentamos qu’en priváu arrame una opinión, sabiendo la ineptitú d’esta Xerencia, la so debilidá ya incapacidá pa sacar alantre la Empresa, y depués emita informe favorable, pero creo qu’a esto yá tamos avezaos y toos conocemos.

La tema de los despidos resultó inaceptable, porque yera pa subcontratar más personal qu’el que pretendíen echar, pero nun-yos valía esa llista de voluntarios yá que nun podíen dase’l gustu de despidir a determinads trabajadors “conflictivs”, namá por reclamar nos Xulgaos los sos derechos y los sos salarios. Podría ponese un verdaderu interés n’algamar alcuerdos, subcontratando dalguna sección menos y camudando “el so” Plan de Viabilidá, que yera’l suyu, pero non l’únicu posible, siendo más qu’un plan real, “les cuentes del olleru”, que presentaba graves erros y defectos.

Cuando tants trabajadors sumar a la llista de voluntaris, nun teniendo en munchos casos nada concretu onde empezar, unu entiende l’enfotu qu’inspira esta Dirección, qu’agora va de víctima. Si una persona nun deseya siguir nuna empresa, sería un erru obligala a permanecer na mesma, porque l’aptitú y l’implicación nunca sería la fayadiza y necesaria pa salir alantre.

Yá a lo último, dicir que nestos perduros meses, una de les meyores coses que nos pasó foi tener el sofitu y l’asesoramientu desinteresáu de CSI, de les Asamblees de Trabayadores y Trabayadores en Llucha en Asturies y tanta xente a la que tamos bien estimosos y que, agora, sutilmente, quieren demonizar por non ser manipulables y serviles como’l sindicatu del réxime, col que tienen gran afinidá y robla tou lo que lu ponen delantre.

Agora, con esa mesma xente, vamos siguir engarrando pol puestu de trabayu y pola apertura del Mataderu que, ensin la carga de la Xerencia y los palmeros que tien alredor (y esos si, con sueldos pocu xustificables y demasiáu tresmandaos, que superen con muncho esi 35%), pue ser y ye vidable.

¡VIVA LA LLUCHA DE LA CLASE OBRERA!.