El xulgáu de los social revoca la sanción al delegáu sindical de la CSI n’Arcelor

El Xulgáu de lo Social revocó la sanción de 21 díes d’empléu y sueldu, que la empresa Arcelor impunxera al delegáu sindical de la Corriente Sindical d’Izquierda en dicha empresa.

El “delitu” del nuesu compañeru consistió en dar la cara nel Comité d’Empresa pa defender los derechos llaborales de los y les trabayadores d’Arcelor. Denunciando los abusos empresariales, los retayos salariales, defendiendo la repartida’l trabayu, la fin de les hores extres, los descansos llaborales, les nueves contrataciones y, a lo cabero, prauticando un sindicalismu ensin claudicaciones, ensin corrupción y ensin traiciones.

En conclusión, llevando a la práutica aquello para lo que foi escoyíu como representante de los y les trabayadores.

¡AGORA, A SIGUIR LLUCHANDO POLOS NUESOS DERECHOS!

¡LA LLUCHA YE L’ÚNICU CAMÍN!