Condergaos los 5 mineros de “Mina de Cerredo” por socorrer a los trabayadores accidentaos y ponelos en manos de los servicios médicos

CONDERGA DE 12 AÑOS Y 6 MESES DE PRISIÓN, MULTA DE 100 MESES CON CUOTA DE 8 EUROS Y PENA DE 60 DÍES DE LLOCALIZACIÓN PERMANENTE, PA LOS 5 MINEROS DE “MINA DE ZARRÉU” (2 AÑOS Y 6 MESES DE PRISIÓN, MULTA DE 20 MESES CON CUOTA DE 8 EUROS Y PENA DE 12 DÍES DE LOCALIZACIÓN PERMANENTE PA CADA UNU).

CABE RECURSU ÉNTE L’AUDIENCIA PROVINCIAL Y LOS ACUSAOS NUN VAN ENTRAR EN PRISIÓN HASTA QUE LA SENTENCIA NUN SÍA FIRME.

Demientres n’Asturies desmantelen la minería y los demás seutores industriales, demientres se conderga a la clas trabayadora al paru y la miseria, demientres la impunidá protexe a quien roben a mamplen los recursos que’l pueblu precisa pa sobrevivir, les cárceles vacíense de corruptos y enllénense con quien defenden y lluchen polos nuesos derechos más básicos.

Nun mundu llaboral precarizáu dafechu, onde la falta midíes de seguridá provoca muertes y pergraves accidentes, paez ser qu’incumplir toa norma de prevención y seguridá llaboral, despreciando la vida de los y les trabayadores, nun tien castigu dengún.

Sicasí, socorrer a los trabayadores accidentaos y ponelos en manes de los servicios médicos, castígase cola cárcel.

Dende la Corriente Sindical d’Izquierda sopelexamos la nuesa intención de dar rempuesta, dende yá, a esta nueva agresión a la clas trabayadora asturiana, tantu nel frente xudicial como nel de la movilización popular.

Tamos seguros y segures de que la rempuesta de la sociedá asturiana va ser de sofitu y solidaridá dafechu con estos cinco trabayadores y de qu’ente toos y toes vamos algamar evitar la so entrada en prisión.

¡NUN VAN PODER CON NÓS!

¡LLIBERTÁ PA TOÑO!. ¡LLIBERTÁ PA LOS CINCO TRABAYADORES DE ZARRÉU!

¡PUXA LA CSI!. ¡PUXA LA LLUCHA OBRERA!.