Absueltos Morala y Canor de les acusaciones poles movilizaciones escontra les privatizaciones nel ERA

Morala y Canor, militantes de la Corriente Sindical d’Izquierda, fueron absueltos de les acusaciones que pesaben sobre ellos, pola mor de la so participación nes movilizaciones escontra les privatizaciones nel ERA.

Va unos meses, los y les trabayadores del ERA convocaren una rueda prensa nes instalaciones de la Residencia Mesta de Xixón, pa informar a la opinión pública sobre’l deterioru de los Servicios Sociales y les condiciones llaborales qu’apareyaben les privatizaciones de les residencies del ERA.

La dirección del ERA ordenó a los xixilantes de seguranza que torgaren l’accesu a les instalaciones. Pero los y les trabayadores exercieron el so derechu a utilizar diches instalaciones, saldándose los incidentes coles imputaciones de Morala y Canor.

Agora, el xulgáu absuélvelos de toles acusaciones.

¡LA REPRESIÓN SINDICAL NUN PARARÁ LA NUESA LLUCHA!

¡POL EMPLÉU PÚBLICU!. ¡POR UNOS SERVICIOS SOCIALES PÚBLICOS Y CALIDABLES!. ¡ESCONTRA LES PRIVATIZACIONES NEL ERA!.