La CSI sofita la 3ª xornada de güelga en Burguer King-Gijón y llama a participar na manifestación d’apoyu

La Corriente Sindical d’Izquierda quier faer públicu’l so sofitu a la tercera xornada de fuelga de los y les trabayadores de Burguer King en Xixón (Asturies), que va tener llugar el próximu sábadu 27 d’avientu y llama a la clas obrera asturiana a participar na manifestación convocada pola Asamblea Trabayadores de Burguer King-Xixón, que va salir a las 19:00 h. del Burguer King de Foro.

-Siendo 90 trabayadores de Burger King en Xixón (SISCOR NORTE S.L.), estremaos en TRES centro de trabayu, sitos nes cais San Bernardo 89 (PARQUE DE BEGOÑA), Avenida de Constitución 105 (ESTACIÓN DE FORU), Avenida Ablondu Rendueles 19-20 (ESCALERA 14 DEL PASÉU DEL MURIU DE SAN LLORIENZO); nel mes de Mayu de 2014, ensin previu avisu a los y les trabayadores y/o a los delegaos de personal, suprímese’l plus de nocturnidad que supón ente 40 y 200 euros según la xornada trabayu de cada emplegáu. Por si esto nun fuera pocu, propónennos axustar nel mes d’Ochobre nun cambéu sustancial de les condiciones de trabayu; tres tres reunión de negociación, conclúyese’l periodu de consultes ensin alcuerdu ente les partes. Entá asina, notifíquennos que’l 24 de Noviembre van ser aplicaos los siguientes puntos :

-Amenorgamientu salarial del 3%.
-Eliminación de la Paga de Santa Marta y Ayuda al Economatu.
-Eliminación del complementu IT al cargu la empresa.
-Retribución de les hores complementaries como hores ordinaries.
-Amenorgamientu’l descansu selmanal, a un día y mediu.
-Toles demás condiciones, esto ye, les sociales (permisu pa exames, hospitalización, mélicu…etc) van ser rexíes pol Estatutu los Trabayadores, nel cuál, yá s’atopen les nueves contrataciones dende Setiembre de 2013 Por tantu yá esiste una discriminación salarial ente compañeros.
-A los trabayadores de repartida a casa, tampoco se-yos aplica’l conveniu d’hostelería (como dicta Inspeición de Trabayu), sinón que tamién se rixen pol Estatutu los Trabayadores.
-Despidos de compañeros que son familia de Delegaos de Personal (como por casu, la nuesa compañera Adriana, muyer d’ún de los delegaos del asitiáu n’Avenida Rufo García Rendueles)

POR TOOS ESTOS MOTIVOS PONEMONOS EN FUELGA, LOS DÍES 13, 20, 27 D’AVIENTU Y EL 5 XINERU. DE 12:30 HASTA EL ZARRU’L LLOCAL ININTERRUPIDAMENTE, NOS CENTROS DE BEGOÑA Y RUFO RENDUELES, Y DE 09:00 A 09:00 NEL D’ESTACIÓN DE FORU, POR TENER VEZ 24 HORES.