La CSI sofita la fuelga de lxs trabajadorxs del Burguer-King en Xixón, en llucha polos sos derechos llaborales

Concentraciones:
-13:00 h: delante del Burguer King de Begoña
-19:00 h: delante del de Foro (avda. Constitución – al lláu la gasolinera)

Acude al Burguer King que conozas o tengas más cerca y sofita a lxs trabayaores.

-Siendo 90 trabayadores de Burger King en Xixón (SISCOR NORTE S.L.), estremaos en TRES centro de trabayu, sitos nes cais San Bernardo 89 (PARQUE DE BEGOÑA), Avenida de Constitución 105 (ESTACIÓN DE FORU), Avenida Rufo García Rendueles 19-20 (ESCALERA 14 DEL PASÉU DEL MURIU DE SAN LLORIENZO); nel mes de Mayu de 2014, ensin previu avisu a lxs trabayadores o/y a lxs delegaos de personal, suprímese’l plus de nocturnidad que supon ente 40 y 200 euros según la xornada de trabayu de cada emplegáu. Por si esto nun fuera pocu, propónennos axustar nel mes d’Ochobre nun cambéu sustancial de les condiciones de trabayu; tres tres reunión de negociación, conclúyese’l periodu de consultes ensin alcuerdu ente les partes. Entá asina, comuníquenmos que’l 24 de Payares van ser aplicaos los siguientes puntos :

-Amenorgamientu salarial del 3%.

-Eliminación de la Paga de Santa Marta y Ayuda al Economatu.

-Eliminación del complementu IT al cargu de la empresa.

-Retribución de les hores complementaries como hores ordinaries.

-Amenorgamientu del descansu selmanal, a un día y mediu.

-Toles demás condiciones, esto ye, les sociales (permisu pa exames, hospitalización, médicu…etc) van ser rexíes pol estatutu de el trabayadores, nel cuál, yá s’atopen les nueves contrataciones dende Setiembre de 2013 Por tantu yá esiste una discriminación salarial ente compañeros.

-A lxs trabayadores de repartu a domiciliu, tampocu se-yos aplica’l conveniu d’hostelería (como dicta Inspección de Trabayu), sinón que tamién se rixen pol Estatutu de el Trabayadores.

-Despíos de compañeros que son familia de Delegaos de Personal (Como por casu, la nuesa compañera Adriana, muyer d’un de los delegaos del asitiáu n’Avenida Rufo García Rendueles).

POR TOOS ESTOS MOTIVOS PONEMOS EN FUELGA, LOS DÍES 13, 20, 27 D’AVIENTU Y EL 5 DE XINERU. DE 12:30 HASTA EL ZARRU DEL LOCAL ININTERRUPIDAMENTE, NOS CENTROS DE BEGOÑA Y RUFO GARCÍA RENDUELES, Y DE 09:00 A 09:00 NEL D’ESTACIÓN DE FORU, POR TENER HORARIU 24 HORES.