Concentración n’Infiestu de sofitu a un compañeru paráu al que-y nieguen les ayudes

Va unes semanes que Xosé Nel ente’l pasotismu de los Servicios sociales y del Ayuntamientu d’Infiestu ante la so situación, y la de la so familia, de necesidá y emerxencia social, decidió ponese en güelga de fame. Cansáu de que nun-y escucharen, cansáu de la falta d’atención, cansáu de la criminalización que dende les instituciones, que se supone tan pa ayudar, se fae de la xente ensin recursos y sobre tou cansáu de nun tener pa pagar les factures nin pa xintar.
La situación sigue ensin solucionase, amás de tener que soportar el menospreciu y los insultos, “frases como pa que tienes fiyos sinun los pues mantener”.
Ya sabemos que mos prefieren en casa, callaxs y ensin movenos. Que prefieren que nun salgamos a la cai y llevantemos la voz, porqu’eso ye poner envidencia les sos polítiques deshumanizaes.
Sabemos que la xente nun s’atreve a salir y denunciar estes situaciones, y menos nun pueblu pequeñu onde tol mundu se conoz. Por eso mos parez tan valiente lo que fae Xosé Nel, solu ente toles polítiques inxustes. Y recordar que NUN TA PIDIENDO LLIMOSNA SINON UN DERECHU DE TOES Y TOOS a una asistencia social en momentos de necesidá.
Por too llamamos a la solidaridá y al sofitu. Que naide te solu/a ante les inxusticies.
¡Porque si mos toquen a una, toquenmos a toes!

Vienres 19 d’avientu a les 19 h. concentración delantre l’Ayuntamientu d’Infietu