Bienvenida a la conseyera de Malestar social y vivienda

Ante les declaraciones de la Conseyera de Bienestar Social Dñª Graciela Blanco, nes que declaraba qu’esperaba tar al altor nel so nuevu cargu, por qu’Esther Diaz dexara’l llistón bien alto, vemosnos obligaes a realizar esti actu de “BIENVENIDA A LA REALIDÁ”.

Paez ser que la señora Conseyera desconoz l’altor del llistón de la so antecesora, les más de 200.000 persones per debaxo del umbral de la probeza, les más de 95.000 persones paraes, casi la metá ensin cobrar ningun tipu de prestación, o l’atascu del Salariu Social, de más 4.000 families que caltien la so Consejeria con una media de 15 meses pa poder aportar al Salariu Social.

Por eso’l día 4 d’Avientu, vamos apurrir l’escritu “NUN TRAGAMOS….. ” roblaos por más de 40 colectivos sociales d’Asturies y del restu del Estáu español nel que declaramos que NUN TRAGAMOS MAS, ante les polítiques de miseria del Gobiernu d’Asturies.

Te convidamos a acompañanos nesti actu de BIENVENIDA y dexa-y bien claro que TAMOS CANSAES DE POLITIQUES DE MISERIA Y QUE LA EMERXENCIA NUN PUEDE ESPERAR.

BIENVENIDA A LA CONSEYERA DE BIENESTAR SOCIAL Y VIVIENDA.

XUEVES 4 D’AVIENTU A LES 12 HORES.

CONSEJERIA DE BIENESTAR SOCIAL Y VIVIENDA.

C/ Alferez Provisional S/N Uviéu.