Necesitase grupos pa salir a pegar cartelos y repartir panfletos

Esti miércoles día 5 empezamos a pegar cartelos pa la manifestación del día 14 N. Nós nun escaecemos. Va dos años, nel intre d’un piquete de la CSI, na Fuelga xeneral cola mesma fecha 14 de payares, produciéronse cargues policiales, los antidisturbios intentaron siguir la represión dientro de la casa sindical, y dellos compañeros fueron deteníos. Los glayios de presos llibertá resonaron en cada rincón de Xixón, y la manifestación nun acabo nel Nautico sinón que siguió hasta la comisaría. Esi día la solidaridá tomo la forma de miles y miles de persones percorriendo les cais y arrodiando la comisaria. Hores de berros de sofitu, hores de resistencia, pa consiguir que soltaren a los compañeros deteníos.
Por eso esti próximu 14 N ye un día de celebración. De celebrar que nos intenten pisar pero siguimos aguantando. De celebrar que la solidaridá nun ye una pallabra biensonante sinón una forma d’entender la llucha. De celebrar y de glayar, que los sacamos de la comisaria y ¡NUN vamos dexar que los metan na cárcel!

Pola xente represaliada por lluchar, pol derechu a la fuelga y toos esos derechos que quieren arrampuñanos esti 14 N sal a la cai.

Por eso pidímosvos que collaboréis nel espardimientu d’esta manifestación repartiendo panfletos, pegando cartelos, espublizando per internet,…nel trabayu en comuña ta la nuesa fuerza.

Los que vivís fora de Xixón dicinos cuántos cartelos y panfletos mandámosvos pa la vuesa zona y…¡A la cai! ¡Ante la so represión, la nuesa solidaridá!