Concentración “Tenemos fame de drechos”

Convoca: Asamblea d’información y denuncia sobre les polítiques sociales.

Dende’l pasáu 13 de Mayu, un grupu de persones venimos denunciando les situaciones de precariedá y esclusión social que se dan na nuesa ciudá y esixendo los cambeos necesarios nes polítiques sociales por que eses situaciones camuden.

Tolos martes axuntamos a les 12 hores delantre de la Fundación Municipal de Servicios Sociales, pa nós una Fábrica de Miseria ensin Solución.

Nes nueses Asamblees, informamos sobre la situación de les Ayudes sociales, l’atascu del salariu social, les torgues p’aportar a les ayudes d’emerxencia y como superar el llaberintu burocráticu a la d’aportar a los recursos sociales.
· Que les Ayudes d’emerxencia constitúyanse como un derechu complementariu.(pa gastos de suministros básicos, agua ,lluz , gas, vivienda) al Salariu Social Básicu (gastos alimenticios).
· Que se dexen de concebir como préstamos teniendo que devolveles con posterioridá, yá que entós, condérgasenos a una situación de falta de recursos permanente.
· Que los remanentes económicos de la FMSS vaigan destinaos a garantizar les Ayudes d’Emerxencia del conceyu.
· Qu’en los Servicios Sociales y na Empresa Municipal de la Vivienda (dambos dependientes del conceyu y de la Concejala de bienestar Social y vivienda, Eva Illán) ufierten un serviciu fayadizu dando soluciones a les situaciones, ufiertando la información fayadiza, y siempres tean disponibles p’atender a personar ante les situaciones que surden.
· Qué ls trabajadors sociales tengan que responder ante daquién cuando nun cumplen afechiscamente les sos funciones o se dexen la llicencia de xulganos. Que non siempres la so palabra prime sobre la de la persona, pos nos dexa a les persones más vulnerables nuna situación d’indefensión.

· En relación cola anterior, que se dexen los cambeos de trabayador/a social, si nun s’establez la relación fayadiza y la persona nun confía na persona que va tener accesu a toles cuestiones de la so vida personal.

Dende l’Asamblea siguimos aportunando que LA EMERXENCIA NUN PUEDE ESPERAR. Tamos cansaes de que los derechos sociales sigan siendo de segunda categoría. Toles persones tienen el DERECHU a vivir con dignidá. Esiximos que les reivindicaciones propuestes tengan una respuesta concreta y asegúrense los recursos abondos p’atender les necesidaes básiques de toles persones.

Tamos cansaes de polítiques de miseria.
Cansaes de la llimosna como única respuesta.
¡¡Queremos xusticia social, non caridá!!