Llamamientu de la CSI a participar nos II Alcuentros alternativos y populares de Bimenes

Los prósimos díis 6 y 7 de setiembre tendrán llugar los II Alcuentros alternativos y populares de Bimenes, y dende la CSI queremos recordavos la importancia de participar nellos a tola afiliación cola que compartimos la llucha díi ente díi, y a aquella qu’aún nun mos conocemos, pareciendomos que ye una mui bona ocasión pa facelo.
Los Alcuentros alternativos y populares de Bimenes ñacen l’añu pasáu del enfotu de los sindicatos alternativos y coleutivos sociales que formamos Asturies en pie, de facer unes xornaes nun sólo reivindicatives y solidaries sinon tamién folixeres. Unes xornaes onde la xente que peleamos xunta tol añu y xente qu’entovía nun mos conocemos pudieremos compartir l’espacíu, les esperiencies, les preocupaciones,…nun ambiente relaxáu y llúdicu. Y a la vez sacar dalgo de dineru pa la caxa de resistencia, ya que son munches les lluches y ye muncha la represión. Multes, peticiones de cárcel,…ye lo cotidiano. Pero nin con eses van facer que dexemos de lluchar. Y pa ello la solidaridá ye perimportante, y la caxa resistencia ún de los sos pegoyos. La esperiencia del añu pasáu foi per bona, asina qu’esti repetimos y ampliamos actividaes. Con esi enfotu de compartir y conocemos toos/es, llamamosvos a participar nos II Alcuentros. Podéis pasar el díi en comuña, y tolos coleutivos que queráis poner la vuestra mesa con materiales, traer la vuesa pancarta,…
Nun queremos un díi d’Asturies que nun represente lo que de verdá ta pasando y ye Asturies, y por eso vos invitamos a participar y formar parte de los II Alcuentros alternativos y populares de Bimenes, los díis 6 y 7 de setiembre. Porque ente toes/os facemos camín.

Programa de los alcuentros:
Toles actividaes son nel Polideportivu de Martinporra, nun siendo les especificaes.

Sábadu, 6 de setiembre:
• 11:00 h: Entamu de los Alcuentros, delantre l’Ayuntamientu Bimenes.
Subida al Pozu Funeres: Homenaxe a la llucha antifascista. Nel pozu un
compañeru hestoriador contaramos qué ye lo qué pasó naquella zona.
Y Enrique Villarreal (excantante y baxista del grupu Barricada) cantará
dalgunes canciones del so discu centráu na llucha pola memoria
hestorica, “La tierra está sorda”.
• 11:00 – 15:00 h: Mercáu yerbatu. C/ La Pamplina en Santuyanu – San Julián
(organización llocal).
• 15:30 h: Apertura del chigre.
• 16:30 h: Deportes autóctonos y xuegos tradicionales con El Garrapiellu.
Música y bailes del país con los Yerbatos.
Primer tornéu d’Asturies en pie de tiru con gomeru.
Mercáu de coleutivos sociales.
• 19:00 h: Espectáculu circense con Circo en la luna.
• 20:00 h: Actu reivindicativu con representes de Paraos/es y precaries/os
d’Asturies, Empreses en llucha y Xusticia Social, Asturies en pie.
• 21:30 h: Conciertu:
El Drogas, Arma X y Fran Rubio, La Tarrancha, Skama la Rede
y DJ Antistailo. (5 € n’anticipada – 7 € nel día).

Domingu 7 de setiembre:
• 11:00 – 15: 00 h: Mercáu yerbatu. C/ La Pamplina en Santuyanu – San Julián
(organización llocal).
• 12:30 h: Pasucais pel pueblu, culete vermuteru o vermú postfolixeru.
• 15:00 h: Xinta popular.
• 16:00 h: Conciertu: Juanillous 2.0 (de baldre)

Pa saber onde garrar les entraes adxuntamos cartelu.

!Puxa la solidaridá!

¡Puxa la llucha de la clas obrera!