La CSI convoca una concentración contra los despidos en Cajastur (mientres se financia la escuela de branu de la UXT)

La Corriente Sindical d’Izquierda (CSI) denuncia que la Fundación Caxastur altica problemes económicos pa despidir a una trabayadora demientres financia la escuela de branu d’UXT.

El 25 xunetu, díes dempués de tresformase en Fundación Bancaria, Caxastur despidía a una trabayadora con 23 años d’antigüedá, que se negare a vender el so puestu trabayu y que, cola so demanda, diera llugar a una sentencia, de fecha 21 d’abril de 2014 del Xulgáu de lo Social númberu 6 d’Uviéu, qu’anulaba l’ERE que la direición de Caxastur-y impunxéra.

La carta despidu altricaba, ente otres, razones económiques pa la so xustificación. Teniendo en cuenta estes circunstancies, la CSI denuncia que demientres la Fundación Caxastur despide a esta trabayadora, nun actu represalia pola defensa de los sos derechos, alegando motivos económicos, financia actividaes ensin dengún conteníu social nin cultural d’interés p’Asturies, como ye la Escuela de Branu d’UXT d’Asturies, qu’inaugurase’l día 1 de setiembre en Xixón.

Na inauguración d’esta escuela de branu d’UXT ta anunciada la presencia de Manuel Menéndez, Xavier Fernández, Alfredo Pérez Rubalcaba, Xusto Braga y Cándidu Méndez. N’anteriores ocasiones, Manuel Menéndez nun fixo actu presencia.

La CSI desixe que se faiga públicu l’importe col que la Fundación Bancaria financia a la UXT, utilizando como esculpa estes xornaes y denuncia que, na situación d’anguañu, utilícense los fondos de Caxastur p’actividaes de propaganda política y sindical y como pagu poles complicidaes nel procesu privatización de la Caxa y nos retayos y despidos aplicaos a los y les trabayadores de la entidá.

Pa protestar por esta situación, a la escontra’l procesu lliquidación/privatización de Caxastur, los EREs y retayos y el despidu de la compañera de la obra social y cultural, vamos tar presentes na inauguración de la Escuela de Branu de la UXT, el día 1 de setiembre, a les cuatro y media, delantre l’Antiguu Institutu Xovellanos de Xixón.