La CSI denuncia la desapaición de los fondos del Plan mistu del Ayuntamientu de Xixón

CSI-PLAN INSERTA (XIXÓN)

La Seición Sindical de la Corriente Sindical d’Izquierda nel Plan d’Empléu Enserta nel Conceyu Xixón, quier denunciar públicamente la desapaición de los fondos del llamáu “Plan Mistu” que subvencionaba la contratación de trabayadores d’esti plan por empreses de los seutores correspondientes.

Estos fondos sumiéronse ensin nenguna esplicación al respeutu y ensin que los sindicatos CCOO y UXT firmantes d’ésti Plan, pidieren denguna triba responsabilidá.

Nestos momentos, trabayadores del Plan Enserta que fueron a otres empreses a pidir trabayu, llevando per delantre la supuesta subvención qu’había, atopáronse con que nun esistía y que les promeses que se-yos fixerEN al empiezu’l contratu yeren falses dafechu.

Pa la SeiciÓn Sindical de la CSI, esto resulta un fechu bien grave que naide denunció, asina comu una falta dafechu d’interés de CCOO y UXT nel asuntu, cuando non de complicidá manifiesta.

Tamién queremos denunciar la paralización d’obres empezaes dientru d’esti Plan Enserta que’l Conceyu vendió políticamente como una supuesta ayuda a los paraos y paraes, como ye’l casu de los Güertos d’Ociu de Mareo. Tres una planificación desastrosa de la obra y gastar tol dineru presupuestáu nella, una vegada presentada públicamente como una alternativa pal gran númberu persones en paru que tien Xixón, la obra ta totalmente parada y ensin barruntos de que torne a entamar. Daqué que tampoco foi reclamáu polos sindicatos firmantes d’ésti Plan.

Per otra parte, los y les trabayadores del Plan Enserta tán siendo utilizaes costantemente pol Conceyu como man d’obra barata pa los llabores habituales que, d’otra forma, deberíen tener sueldos y condiciones de trabayu meyores.

D’ésta forma utilizar a trabayadores contrataos pa oficios concretos (xardinería, contruición, pintura, carpintería..) pa tou tipu de llabores, ensin respetar nin categoríes nin oficiu. Con ésti Plan, el Conceyu dótase de personal pa too por menos de 800 euros al mes (650 el de peones) y con menos derechos que los y les trabayadores d’otres empreses municipales o subcontrataes.

La CSI yá denunció la illegalidá manifiesta de los contratos del Plan Enserta y suma yá 50 denuncies de trabayadores del mesmu.

La complicidá de CCOO y UXT cola Empresa, nesti casu’l Conceyu, ye una vergoña p’aquellos que se dicen defensores de los y les trabayadores.

La CSI nun va consentir que la situación de cris y paru sirva pa precarizar y desregularizar l’Empléu na Alministración pública y va seguir defendiendo los derechos de los y les trabayadores, denunciando y llantando-y cara a estes situaciones inxustes ya illegales.