Caxa de resistencia de l’asamblea de trabayadores del Mataderu Central

L’Asamblea Trabayadores del Mataderu Central d’Asturies venimos de crear una Caxa Resistencia, cola fin de faer frente a los gastos xurídicos y de movilizaciones que nos van llegando y na que cualisquier persona o coleutivu puede collaborar cola aportación que-y abulte afayadiza.

Va haber una tresparencia dafechu de los gastos, xustificándolos toos comenientemente. Recordámosvos qu’a la Plantía débense-y 6 mensualidaes y anguaño nun percibimos dengún ingresu, situación qu’aprovechen al so favor la Empresa y los Concursales pa intentar forciar la robla d’alcuerdos que van a la escontra los nuesos intereses.

Dende esta páxina pidímosvos a toos y toes el máximu espardimientu; cualisquier aída, por pequeña que sía, va ser bona.

Pueden faese los ingresos en cualisquier oficina’l bancu BBVA y al traviés d’internet.

El númberu de cuenta ye: 4101825600120201519403. Gracies a toes y toos.

MANIFESTACIÓN A LA ESCONTRA’L PIESLLE Y LOS DESPIDOS DEL MATADERU CENTRAL D’ASTURIES.

MIÉRCOLES 13 AGOSTU. 19:00 h. PLAZA’L CONCEYU DE SIERO.

¡NIN PIESLLE NIN DESPIDOS!. ¡EL MATADERU NUN SE PIESLLA!.