Marcha manitestación Contra’l paru y la esplotación llaboral

Son tiempos difíciles, entre la dejadez de muncha xente que parez que nun viven les consecuencies de toles polítiques d’esplotación ya estirminiu de la clase obrera. Son tiempos onde’l mieu a quedar ensin el pocu trabayu qu’hai zarra munches boques. Onde la xente parez haber perdíu’l sentimientu de compañerismu, de solidaridá. N’estos tiempos onde mos llueven multes, detenciones, represión en cuantes movemos un deu, nesti tiempu nel que tou’l mundu se llena la boca cola novedá política, col facer, col hai que, hai que…pero llueu nun sabemos onde tan, nestos tiempos, como enantes, siguimos saliendo a la cai, a pesar del mieu, a pesar de la desidia, contra’l paru, contra la esplotación llaboral, pola llibertá de la xente presa y represaliada por lluchar, por unos drechos pa toles persones, escontra toles reformes, pola xusticia social, ayer xueves 10 de xunetu recorrimos les cais de Xixón glayando que la llucha ye l’únicu.