La CSI denuncia n’inspección de trabayu les condiciones llaborales de el trabayadores del Plan enserta destinaos nel hípicu

CSI-PLAN INSERTA (XIXÓN).

La seición sindical de la Corriente Sindical d’Izquierda nel Plan Inserta del Conceyu Xixón, denunció énte la Inspeición de Trabayu, la situación na que s’atopen los trabayadores de dichu plan, destinaos nel Hípicu a llabores d’acondicionamientu de les instalaciones pal concursu añal internacional.

A estos trabayadores oblígase-yos a trabayar tres selmanes siguíes tolos dias , ensin dengún de los descansos obligatorios y con xornaes de 10 hores en dellos casos.

Esto, amás de contravenir la llegalidá afitada nel Estatutu los Trabayadores, ye un auténticu despropósitu nun Plan que se supón pa fomentu l’empléu.

Nun entendemos como puede obligase a trabayadores d’esti Plan a faer hores extres. Creemos que si’l Conceyu tien falta personal tendría de contratalo y nun echar mano y aprovechase d’unos trabayadores con sueldos ínfimos y obligalos de forma illegal dafechu.

Estos fechos yá fueron puestos en conocencia d’Inspeición de Trabayu, pa que dicha Inspeición adopte la midíes correutores necesaries.

Enantes, un grupu trabayadores del Plan d’Empléu Inserta, a iniciativa de la sección sindical de la Corriente Sindical d’Izquierda, denunciaren la illegalidá y fraude de los contratos temporales de dichu Plan, por cuenta de que los Contratos por Obra, que son los que roblemos los y les trabayadores del Plan Inserta, son totalmente illegales porque tala “obra” nun esiste. Utilízase la fuerza llaboral de dichu plan pa cubrir les actividaes y servicios que’l Conceyu empresta davezu een dellos seutores.

El Conceyu Xixón aprovéchase d’una man d’obra barata en condiciones d’absoluta precariedá y falta de derechos, gracies al indignu conveniu robláu por CCOO y UXT, pa cubrir puestos de trabayu que, d’otra manera, tendríen qu’afayase a convenios seutoriales manifiestamente meyores tantu en sueldu como en derechos.

La supuesta finalidá de “insertamientu” nel mundu llaboral ye un fraude que nun se cumple y que sirve pa convertir a los y les trabayadores en suxetos que reciben un puestu trabayu como si fuera una llimosna de caridá y que, poro, tendríen de callar la boca y aceutar too ensin gorgutar.

Dientro d’esti esquema, el Comité d’Empresa, votáu tamién polos y poles trabayadores de los planes d’empléu, actúa como parte la patronal, calteniendo y dando continuidá a ésta situación de precariedá y esclavismu llaboral que los planes d’empléu xeneren.

Añu tres d’añu vemos como nada de lo que vienden nos planes d’empléu esiste. El supuestu insertamientu llaboral ye un fraude. La mayoría de los y les trabayadores d’estos planes son persones cualificaes profesionalmente. Utilízase esta escusa pa pagar sueldos risibles (el salariu mínimu interprofesional en los peones de toles categoríes) y condiciones de trabayu ensin dengún derechu. Esiste tamién un tratu vexatorio y despótico ya indignu per parte de los mandos, de forma constante, como si fuéremos oveyes d’un rebañu y non como persones con derechos.

Gracies al Conveniu Coleutivu que roblaron CCOO y UXT, y que sindicalmente ye inaceptable de riba abaxo, a los y les trabayadores impónensenos horarios, xornaes y vacaciones ensin denguna triba negociación y variando coles necesidaes o caprichos qu’en cada momentu tenga’l Conceyu.

Creemos que l’Alministración Pública ten de ser la primera que tien de dar exemplu na creación d’empléu estable y calidable y nun siguir l’enclín agudizáu exponencialmente pola cris capitalista, onde los empresarios aprovéchense del gran númberu de persones en paru pa esplotar y sacar beneficiu a cuenta d’empléu precariu, mal pagáu y en condiciones d’esclavitú.