¡Asturies en pie! La represión continúa. Multa de 200 € a un paráu por pegar carteles de la manifestación del jueves 10 contra’l paru y la esplotación llaboral

¡ASTURIES EN PIE!. LA REPRESIÓN CONTINÚA.

Un militante de Para@s y Precari@s d’Asturies, despidíu de Naval-Xixón y militante, tamién, de la Corriente Sindical d’Izquierda, foi sancionáu con 200 € de multa pola Policía Llocal de Xixón, por pegar cartelos pa una manifestación “Contra’l paru y la esplotación llaboral”, convocada pal próximu xueves 10 de xunetu, a les 19:00 h., n’El Náuticu de Xixón.

El Gobiernu Municipal de Xixón pretende faer invisible’l paru y la probitú demientres los fastos braniegos de la Selmana Negra, reprimiendo inclusive les reivindicaciones más esenciales, como’l derechu a poder ganase la vida pa satisfaer los derechos más básicos: alimentación, techu, etc.

El Gobiernu municipal de Foru quier tapecer, so la cortina de fumu del turismu braniegu, la cruda realidá de paru, probitú y esplotación llaboral que, día ente día, sigui xorreciendo en Xixón y n’Asturies.

Pero nun van algamalo. Vamos siguir pegando cartelos, vamos siguir reivindicando los nuesos derechos y vamos siguir denunciando los sos privilexos.

EL PRÓXIMU XUEVES 10 DE XUNETU, A LES 19:00 h., N’El NÁUTICU DE XIXÓN, TOES Y TOOS A LA MARCHA CONTRA’L PARU Y LA ESPLOTACIÓN LLABORAL.