Movilizaciones contra la sanción de 21 díes d’empléu y sueldu al delegáu sindical de la CSI n’Arcelor

El pasáu xueves 29 de mayu, cellebróse una asamblea xeneral del tren de carril d’Arcelor-Xixón con dos hores de paru, desixendo la retirada de la sanción de 21 díes d’empléu y sueldu al delegáu sindical de la Corriente Sindical d’Izquierda nel comité d’empresa d’Arcelor-Xixón.

L’asamblea tuvo una participación perimportante y decidió, por unanimidá, convocar 24 hores de fuelga’l próximu xueves, 5 de xunu.

Esi día cellebraráse una nueva asamblea xeneral del tren de carril, pa tratar, non yá de la retirada la sanción, sinón tamién de los problemes que sufren los trabayadores del tren.