Una primer victoria de el trabayadores d’Armón: la empresa acepta toles midíes esixíes polos trabayadores en materia de prevención y seguridá

Los trabayadores d’Armón algamaron una primer victoria al aceutar la empresa toles sos desixencies en materia de prevención y seguridá llaboral.

Xuntes, movilizaciones, asamblees, emociones… Toes estes coses pasaron en bien pocos díes y dexáronnos delles reflexones por faer.

Ye mentira que toos tengamos los mesmos derechos cuando nacemos. Namás los ricos nacen con derechos. Los obreros y obreres nun nacemos con derechos, tenemos de ganalos cola nuesa llucha. Y dempués, tenemos de caltenelos, porque si non, quítennoslos.

Tán robándonos tolo que la clas obrera algamó demientres años de llucha. Magar que paeza mentira, tenemos que torna a pelear pol derechu más básicu d’un trabayador o trabayadora: tornar a la so casa dempués de la so xornada llaboral.

Va ser imposible escaecer a los nuesos dos compañeros finaos. Tampoco queremos faelo. Y el meyor homenaxe que podemos fae-yos ye siguir la llucha pa que nunca más se pierda una vida nel trabayu.

La unidá y la llucha de tolos trabayadores d’Armón algamó una meyora perimportante, pero nun tenemos d’escaecer qu’equí naide puede dise de rosines. El dañu ta fechu y quien lo causaron tienen de responder por ello énte los tribunales de xusticia.

(Semeya de les midíes de seguridá y prevención que la empresa va tener qu’aplicar).