Les asamblees de trabayaores en llucha n’Asturies convoquen una manifestación en solidaridá colos trabayadores del astilleru Armón

Les Asamblees de Trabayadores en Llucha n’Asturies convoquen una manifestación en solidaridá colos trabayadores del astilleru Armón, onde, en pocos meses, yá morrieron dos trabayadores.

N’Armón les condiciones de prevención y seguridá son inesistentes, la esplotación llaboral ye un costume y la persecución y el despidu ye lo que-y espera a cualisquier que proteste.

Faemos un llamamientu a tola clas obrera asturiana p’allegar a esta manifestación y para-yos los pies a unos empresarios a los que nun-yos importa saciar la so cobicia col sangre y la muerte de los trabayadores.

Y demientres ellos cuenten millones en beneficios, nós contamos muertos.

Pa la familia y seres queríos de los trabayadores finaos nun atopamos pallabres. Pa los sos compañeros tenemos estes: nun podemos dar marcha atrás a estes muertes, pero tenemos de facer que seyan les caberes.

¡EL PUEBLU ASTURIANU COLOS TRABAYADORES D’ARMÓN!

¡NIN UNA MUERTE MÁS NEL ASTILLERU ARMÓN!.

¡CÁRCEL PA LOS CULPABLES D’ESTES MUERTES!.

¡NUN SON ACCIDENTES, SON ASESINATOS!.