Munches razones pa tar na cai’l 15 de mayu

Convoca: Movimientu Social pola escuela pública

¿Cómo se ta ellaborando la plantiya de los Centros Públicos? ¿Ta cumpliendo’l Gobiernu asturianu los alcuerdos de plantiya suscritos nel so momentu coles organizaciones sindicales d’enseñanza? ¿Cómo pueden caltenese colos RECRTES l’atención a la diversidá, los sofitos, los desdobles …? ¿Cuántes aules perder na Escuela Pública pal próximu cursu? ¿Y la escuela rural? …

Sobren, pos, los motivos pa salir a la cai y denunciar la precariedá que los retayos tán trayendo a la Escuela Pública asturiana, y que tán centrándose bien especialmente na base del sistema educativu, Infantil y Primaria.

Con éses nos dos últimes asamblees abiertes del Movimientu Social pola Escuela Pública (nos colexos Asturies y Príncipe d’Asturies respectivamente), plantegóse la necesidá de movilizase agora en mayu, primeramente a la negociación” de plantiyes Centro per Centru, movilización que se va llevar a cabu en Xixón, el 15 de mayu, a les 19:00 hores, pa dexar claro que la Escuela Pública asturiana nun almite más retayos y que les plantiyes pal próximu cursu han de cubrir toles necesidaes de los Centros de cuenta que pueda caltenese la calidá educativa de la que siempres fixeron gala.

Esi día veremos na cai (con paragües, camisetes, pancartes…, incluyíes), nuna Paraguada-Pasacalles que, partiendo dende’l Paséu de Begoña (frente al Teatru Xovellanos), onde nos concentraremos, va escurrir siempres per zona piatonal hasta la Plaza d’Italia: Paséu de Begoña, cai de la Mercé, calle Tomás y Valiente y Tomás Zarracina, cai Corrida y Plaza d’Italia.